«Հրապարակ». Երեխաները չեն հաճախի երաժշտական դպրոցներ՝ վարձավճարի թանկացման պատճառով
Նմանատիպ
Բազմաթիվ ծնողներ, որոնց երեխաները հաճախում են երաժշտական դպրոցներ, ստիպված են լինելու հրաժարվել նրանց երաժշտական դպրոց ուղարկելուց, քանի որ 1 ընտանիքում 2 երեխայի դեպքում ամսական մոտ 15 հազար դրամ վարձավճար պետք է մուծեն: Նշենք, որ նախորդ տարեվերջին հայտնի դարձավ, որ Երևանում գործող երաժշտական և արվեստի դպրոցների վարձավճարը բոլոր բաժիններում դարձել է 8 հազար դրամ, իսկ մինչ այդ տարբեր էին, և վճարումն էլ միանվագ չէր կատարվում: Այս մասին գրել է «Հրապարակ»-ը:
Երևանու ավագանու «Ելք» խմբակցության անդամ Արայիկ Հարությունյանը հայտնել է, որ շատ ծնողներ մինչև վերջին պահն անտեղյակ են եղել թանկացումներից:
«Ֆեյսբուքում լիքը գրառումներ կան այդ մասին, և նշում են, որ երեխայի հետ ինչ-որ թուղթ են տվել՝ ծանուցում, որ մինչև այսինչ ժամկետը վճարեք, կարծեմ՝ ամսի 16-ը»,- նշեց Հարությունյանը: Բացի այդ, նրա խոսքով՝ տուրքերի բարձրացման հետ միասին սահմանվել են արտոնություններ՝ 500 լրիվ անվճար և 400՝ մինչև 50 տոկոս զեղչի համար, բայց առայսօր կարգը սահմանված չէ, ուստի հայտնի չէ, թե դրանք ում են տրվելու: «Եվ ծնողներից որևէ մեկին չեն ասել, որ դուք կարող եք դիմել արտոնություններ ստանալու համար»,- ասել է «Ելք» խմբակցության անդամը:
Հետևեք մեզ նաև Telegram-ում