AM | RU
USD
EUR
RUB

Սահմանադրագետ. Հրայր Թովմասյանին պաշտոնից ազատել-չազատելը որոշում է միայն Սահմանադրական դատարանը

 

ԵՐԵՎԱՆ, 19 ՍԵՊՏԵՄԲԵՐԻ, Panorama.am: ԱԺ նախագահ Արարատ Միրզոյանն ի պատասխան լրագրողի հարցին ոչ հեռավոր անցյալում խոստովանել էր, որ ՍԴ նախագահ Հրայր Թովմասյանի հրաժարականի հարցն իր իրավասության ներքո չէ։ Նա այդ հայտարարությունն արեց հենց Հրայր Թովմասյանի կողքը կանգնած, նրա ներկայությամբ։ Ճակատագրի հեգնանքով, մի քանի օր առաջ հենց Արարատ Միրզոյանը դարձավ ՍԴ-ի ու դրա նախագահի շուրջ ծավալվող գործընթացի նախաձեռնող։

Սահմանադրագետ Վարդան Այվազյանը Panorama.am-ի հետ զրույցում ասաց՝ Միրզոյանի՝ ավելի վաղ արած հայտարարությանը թող քաղաքական գործիչներն անդրադառնան, իսկ ԱԺ-ում հնչեցրած ելույթի մասին ինքը կխոսի։

«Սահմանադրական դատարանի վերջին որոշման վերաբերյալ ոչ միայն Ազգային ժողովի նախագահի, այլև վարչապետի հայտարարություններն անօրինական են։ Նրանք ՍԴ որոշմանը քաղաքական գնահատական տվեցին՝ այն որակելով անարդար, դժբախտություններ ծնող և այլն։ Պետք է կրկնեմ ու ընդգծեմ՝ մենք ունենք Սահմանադրություն, օրենքներ և պետք է առաջնորդվենք դրանցով։ Հիմա Սահմանադրությունն ասում է՝ ՍԴ որոշումներն ուժի մեջ են մտնում հրապարակման պահից, վերջնական են ու վերանայման ենթակա չեն, ոչ ոք իրավունք չունի քաղաքական գնահատական տալ Սահմանադրական դատարանի որոշումներին, այդ թվում նաև կառավարության խնդիրը»,-շեշտեց Վարդան Այվազյանը։

Սահմանադրագետի խոսքով, խնդիրն այլ կլիներ, եթե վարչապետ դառնալուց անմիջապես հետո՝ որպես հեղափոխության արդյունք Փաշինյանը դադարեցներ «նախկին ռեժիմի» կողմից ընդունված Սահմանադրությունն ու իրավական համակարգը։

«Բայց միաժամանակ նա պետք է ունենար Սահմանադրության որակյալ նախագիծ ու ներկայացներ հանրության հաստատմանը՝ հանրաքվեով ընդունմանը։ Այդ դեպքում և Սահմանադրական դատարանի անդամներին աշխատանքից ազատելը կլիներ օրինաչափ ու հեղափոխության տրամաբանությամբ։ Բայց «նախկին ռեժիմի» Սահմանադրության ընթացակարգերով ինքը դարձավ վարչապետ, անգամ Սահմանադրությունը չխախտելու համար թատերականացված ներկայացումներ եղան, հիշում եք, թեկնածու չառաջադրել, չքվեարկել և այլն։ Նույն Սահմանադրության ու «նախկին ռեժիմի» ընդունած Ընտրական օրենսգրքի տրամաբանությամբ էլ տեղի ունեցան ԱԺ ընտրությունները։ Այսօր էլ դրանք ամբողջությամբ աշխատում են նախկին իշխանությունների ստեղծած իրավական համակարգի շրջանակում։ Բնականաբար, այս տրամաբանությունից ելնելով՝ ոչ ոք իրավունք չունի քաղաքական գնահատական տալ Սահմանադրական դատարանի որոշումներին։ Ինչ եմ ուզում ասել՝ գնացքն արդեն գնացել է, այդ քաղաքական գնահատականները պետք էր տալ հենց սկզբում, իսկ հիմա բոլորը պարտավոր են սրբորեն ենթարկվել գործող օրենքներին ու Սահմանադրությանը, որևէ քայլ անգամ չշեղվել»,-ասաց նա։

Հարցի՞ն, թե ինչու հենց այս պահին հարցն օրակարգ բերվեց, Այվազյանը չցանկացավ պատասխանել, ասում է՝ քաղաքական գնահատական է։

«Ես չգիտեմ՝ ով ինչ քաղաքական նպատակներ, հեռակա պլաններ ունի, դա քննարկելը իմ խնդիրը չէ։ Պարզապես ես արձանագրում եմ, որ նման հայտարարությունները, գործողությունները հակասում են Սահմանադրությանն ու օրենքներին։ Անօրինական ու հակասահմանադրական գործողությունները թե ինչ նպատակով են արվում, դա արդեն այլ հարց է, չգիտեմ, չեմ էլ ուզում իմանալ այդ նպատակները»,-ընդգծեց սահմանադրագետը։

Անդրադառնալով ՍԴ նախագահի պաշտոնանկության իրավական հիմքերին՝ Վարդան Այվազյանը մանրամասնեց, դրանք նախատեսված են «Սահմանադրական դատարանի մասին» օրենքով ու ԱԺ կանոնակարգով։

«Երբ նայում ենք իրավական հիմքերը, դրանցից տրամաբանորեն պաշտոնանկության համար հնարավոր է կիրառել միայն էական կարգապահական խախտման հիմքը։ Եթե նմանատիպ հիմքեր ունեն, ապա ԱԺ-ն՝ պատգամավորների 3/5-ով դիմում է Սահմանադրական դատարանին։

Վերջին խոսքի իրավունքն այստեղ կրկին Սահմանադրական դատարանինն է, այսինքն ՍԴ դատավորի լիազորությունները դադարեցնում է բացառապես Սահմանադրական դատարանը։ Հիմա ԱԺ-ն ընդամենն իրավունք ունի էական կարգապահական հիմքերը ներկայացնել ՍԴ քննարկմանը։ Իսկ Հրայր Թովմասյանին պաշտոնից ազատել-չազատելը որոշում է միայն Սահմանադրական դատարանը»,-ասաց Վարդան Այվազյանը՝ ընդգծելով, որ հետագա բոլոր քննարկումները լինելու են այդ հիմքերի հիմնավորված, տրամաբանական լինելը-չլինելու շուրջ։

Լրահոս
Ի տարբերություն մեզ՝ Ադրբեջանն ավելացնում է իր ռազմական ծախսերը ՕՐՎԱ ԽՈՐՀՈՒՐԴԸ։ Հոկտեմբերի 21 «Կարկառ» ճամբարում տեղի է ունեցել «Ձյուդոն բաց երկնքի տակ» խորագրով փառատոնի բացման արարողությունը Մոսկովյան դատարանը հրապարակել է հայ գործարարին սպանողների դատավճիռը Հրավառությունից հետո այրվում է Հաղթանակի զբոսայգու հարակից տարածքը Հոկտեմբերի 21-ի հոսանքազրկումների մասին Զոհասեղանին այլևս մեր պետականության հարցը չէ նույնիսկ, զոհասեղանին դրված է երկրիր ունենալ-չունենալու հարցը Բաքվում ոստիկանությունը ճնշել է մետրոյի կայարանի դիմաց ցույց անցկացնելու փորձը Ռուսաստանում չեն հասկանում, թե ինչ է անում Սիրիայում ԱՄՆ-ը Ահա, թե ինչու էր Արթուր Դավթյանը բաց կապով ինձ զանգել, ու վերացարկվելով իրականությունից, խրոխտ-խրոխտ սպառնում Չեմ համարում, որ ինչ-որ մեկից լավն եմ, եթե պետք է բանտ տանեն՝ պատրաստ եմ, բայց ինձ լռեցնել որևէ մեկը չի կարող. Միհրան Հակոբյան Անծանոթ աղջիկը Հայկ Մարությանին նվիրեց Ռոբերտ Քոչարյանի գիրքը Լուկաշենկոն հիշել է, թե ինչպես են Ելցինի հետ Քլինթոնի ներկայությամբ ծիծաղել նրա վրա Զոհրաբ Մնացականյանը կվկայի Հանրապետության տարածքում ջերմաստիճանը զգալի կնվազի Հայտնի է Արմեն Կարապետյանի պաշտոնանկության պատճառը Գաղտնի ու թաքուն Մեր երկիրը ընկել է անհայրենիք, անհավատ և որևէ սրբություն չունեցող մարդկանց ձեռքը Թովմասյանի դուստրերին ու թոշակառու հորը ԱԱԾ հրավիրելու իրական նպատակը բարոյական ու հոգեբանական ճնշում գործադրելն է Բաքվում կայանալիք ընդդիմության ցույցի պատճառով մետրոյի երեք կայարան է փակվել Հրայր Թովմասյանի փաստաբանական թիմն արձագանքել է ԱԱԾ հայտարարությանը «Հայելու առաջ» հաղորդումը փակելը քաղաքական ճնշման հետևանք է. Սաթիկ Սեյրանյան Շենգավիթի շուկայի աշխատակիցներն այսօր գործադուլ են հայտարարել Թբիլիսիում ուժգին պայթյունի հետևանքով տուժածների թվում հայեր չկան Բակո Սահակյանը ներկա է գտնվել նռան փառատոնին Հուղարկավորության ժամանակ տղամարդը «կենդանացել» է «Թուրքիան վերականգնել է Սիրիայում հրադադարի ռեժիմը». Թրամփ Լիբանանում հակակառավարական ցուցեր են՝ «WhatsApp» հեղափոխություն «Միքայել Համբարձումյանը հանձնարարել է՝ ԵՊՀ-ում փորեն, Միհրան Հակոբյանի վրա ինչ-որ բան գտնեն, մի գործ կարեն». Արթուր Դանիելյան Ռուսաստանում ամբարտակի փլուզման հետևանքով զոհերի թիվը հասել է 13-ի (լուսանկարներ) Ոստիկանների նկատմամբ հարձակում գործած անձիք կալանավորվել են Առաջնագծում հայ դիրքապահների ուղղությամբ արձակվել է շուրջ 1100 կրակոց «Փաստ». Նիկոլ Փաշինյանի վարկանիշն օրեցօր անկում է ապրում «168 ժամ». 3 մլն դրամ աշխատավարձ՝ ոչինչ չանելու համար «Ժողովուրդ». Անելանելի իրավիճակ. պաշտոնի նշանակելու համար մարդ չեն գտնում «Փաստ». Գարեգին Չուգասզյանն օրերս բավականին ուշ ժամի կառավարության շենքում հանդիպում է ունեցել Նիկոլ Փաշինյանի հետ «Հրապարակ». Իշխանությունը լուրջ մրցակից է համարում Վանեցյանին. հաջորդ թիրախը նա լինելու Հայկական «էկզոկմախքի» առաջին քայլերը «Հրապարակ». Ուզում են միանգամից ամբո՞ղջը՝ պառլամենտ, կառավարություն, ՍԴ «168 ժամ»․ «Հպարտ քաղաքացիներն» ու իրավապահ համակարգի դելեգիտիմիզացիան
Խմբագրի ընտրություն
website by Sargssyan