AM | RU
USD
EUR
RUB

Սա ոչ պակաս տոն է նաև աշակերտների համար, առանց որոնց Ուսուցիչներ չէին լինի

 

Ասում են՝ Ճապոնիայում 7 տարի և ավելի ուսուցիչ աշխատողը չի կարող դատարանում ցուցմունք տալ՝ մեղսունակ չի համարվում։ Չգիտեմ ճի՞շտ է դա, թե՝ ոչ, բայց գիտեմ, որ Ճապոնիան դարձավ Ճապոնիա, շնորհիվ նրա, որ այնտեղ ուսուցչի պաշտոն ստանալն ավելի դժվար էր, քան նախարարի պորտֆեյլ ունենալը…

Վերջերս հանրությանը ոչ անհայտ մեկը մի միտք դրեց շրջանառության մեջ, թե «ի՞նչ պիտի տա երեխային 25 000 դրամ ստացող ուսուցիչը»: Այն, որ այդ շրջանակների կողմից ամեն ինչ թարս ձևակերպելը վաղուց արդեն նորություն չէ, փաստում է նմանօրինակ մի այլ ոմնի նույնաբովանդակ մի այլ արտահայտություն. «մենք 10 000-ով ավելի ուսուցիչ ունենք, քան դրա կարիքը կա»…

Վայրի կապիտալիզմի և անբովանդակ դեմոկրատիայի աղյուսով բանականության տրավմա ստացած այս ուղեղներին դժվար հասանելի են Առաքելություն և Էություն բառերը… Դժվար հասանելի է նաև, որ ոչ թե ուսուցիչներն են քանակապես ավելի, այլ՝ աշակերտներն են պակաս… Բայց այս մասին հետո…

…Ես մանկավարժների ընտանիքում եմ մեծացել…

Տատս ու պապաս՝ երկարամյա մանկավարժներ, մայրս, հորաքույրս, մորաքույրս, հորեղբայրս … բոլորը մանկավարժ…

Իմ աչքի առաջ է եղել մանկավարժի կերպարը, հորեղբորս ձևակերպմամբ՝ ամենակարևորը՝ ուսուցչի հմայքը…

Դեռ անհիշելի ժամանակներից իր գործից դուրս հորեղբայրս գնում էր գյուղերով, գտնում կարիքավոր ու շնորհաշատ երեխաներին, աշխատում նրանց հետ, պատրաստում օլիմպիադաների…

Նրանցից շատերը այսօր բարձր դիրքեր են զբաղեցնում և ապահովված կյանք վարում…

Քանի-քանի անգամ հորեղբորս առաջարկել էին զբաղեցնել տնօրենի պաշտոնը, որը միշտ մերժել է, ոչ միայնայն պատճառով, որ տնօրենն իր ընկերն էր, այլ որ դա կսահմանափակի մանկավարժի իր աշխատանքը՝ ծանրաբեռնելով վարչարարական գործերով…

Երբ քաղաքական պատճառներով հորս, հորեղբորս, հորեղբորս տիկնոջը հեռացրել էին գործից, նա էլի չթողեց իր մասնագիտությունը, մոտ մի տարի աշխատելով Երևանում՝ Ֆիզմաթ դպրոցում, հետ վերադարձավ ա՛յն ժամանակ, երբ իմացավ, որ անցողիկ ոմն մեկն ասել էր, թե նրանց ցեղը (նկատի ուներ մեզ՝ Խոջաբաղուն տոհմին, որ Գորիսի հիմնադիր տոհմերից է…), պիտի քոչի Գորիսից։ Հորեղբայրս հետ վերադարձավ Գորիս ու մոտ երկու տարի առանց գործի էր (բոլոր տնօրենները, նույնիսկ իր ընկերները, վախենում էին նրան գործի ընդունել), բայց ասել էր՝ նա ո՞վ է, որ ասի, թե մենք որտեղ պիտի ապրենք…

Հետո մի քանի տարի գործ առաջարկեցին Կապանին կից գյուղերից մեկի դպրոցում… Մնում էր դպրոցի սենյակներից մեկում ու դաս տալիս… Ավելի ուշ՝ նրան առաջարկեցին Գորիսի գյուղերից մեկում աշխատանք…

Չնայած նրան, որ բոլորն են ընդունում, որ Սևադա խոջաբաղյանը ոչ միայն Սյունիքի, այլ նաև Հանրապետության լավագույն մասնագետներից է, մինչ էսօր Գորիսի դպրոցի տնօրենները վախենում են նրան աշխատանք առաջարկել… անհանգստանալով, որ դա կարող է իրենց վրա անդրադառնալ բացասաբար…

Եւ անկախ դրանից, նա շարունակում է իր մանկավարժական գործունեությունը, աշակերտներ է պատրաստում օլիմպիադաների համար, մանկավարժական գործունեությանը զուգահեռ՝ մասնագիտական գրքեր գրում։ Կատակում է, թե իրեն մեծ լավություն արեցին գործից հեռացնելով՝ հնարավորություն տվեցին աշխատել գրքերի վրա։ Մոտ 5 անուն գիրք է հեղինակել, որոնք ընդունվել են որպես օժանդակ կրթական ձեռնարկ դպրոցների համար…

Ի թիվս մի քանի այլ կոլեգայի, այն քիչ Հայազգի մասնագետներից է, որոնք Կենգուրու Միջազգային օլիմպիադային խնդիրներ են տալիս Հայաստանից…

Մասնագիտական գործունեությունից զատ, ակտիվ քաղաքացի է, հանդես է գալիս տարաբնույթ մշակութային միջոցառումների կազմակերպմամբ, հրապարակախոսություններով, կրթական ծրագրերի բարելավմանն ուղղված քննադատական և մասնագիտական հոդված-առաջարկներով, որոնց մի մասն արդեն ընդունվել են ի գիտություն…

Իմ աչքի առաջ մանկավարժի այս կերպարը կա…

Մարդ, որ շուտով 70-ը կբոլորի, բայց բազմաթիվ երիտասարդներից ավելի եռանդուն է և չի դադարում ստեղծագործել, չի դադարում իր երկրի պիտանի քաղաքացին լինել…

Մարդ, որ առաջինն էր պատռել կոմունիստական կուսակցության անդամատոմսը, և միշտ եղել էր ժողովրդական շարժման դրոշակակիր, իսկ ստիպված կողք քաշվել, երբ ՀՀՇ-ի քավորությամբ այդտեղ սկսել էր «կեղտ լցվել», որի կանխումն իր ուժերից վեր էր արդեն…
Մարդ, ով Արցախյան շարժման սկզբնական տարիներին զբաղված էր փախստականների տեղավորման հարցերով…

Քանի՜-քանի ընտանիքներ են տեղավորվել մեր տանը՝ մինչև ապաստան գտնելը…

Մենք նկուղում էինք մնում, նրանց տեղավորել էինք մեր տանը…

…Երկար կարող եմ պատմել Ուսուցչի մասին…

Իմ ուսուցիչները լավագույն օրինակներ են, թե ինչպես կարող է մարդը գործնականում ոչինչ չստանալով՝ տալ ամեն ինչ, Կյա՜նք տալ…

Գիտե՞ք ինչի…

Չէ՛, չգիտեք, ձեր ուղեղին չի հասնի դա… Դա հասու չէ մի քանի հազար դոլարի դիմաց հոգին ու ազգային արժեքները սատանային վաճառող տխմարներին…

Դա հասկանալի չէ նրանց, որոնց համար կյանքի արժեքը փողն է և կուշտ փորը…

Ես փայլուն ուսուցիչներ եմ ունեցել, որոնց մի մասը, ցավոք, արդեն ողջ չէ… եւ վաստակած հանգիստը ոչ թե վայելում են շրջագայություններով, այլ՝ երկնային թագավորության մեջ…

Հարցնում եք՝ ի՞նչ կարող է տալ 25 000 դրամ ստացող ուսուցիչը…

Պատասխանեմ.

- Սեփական օրինակով սովորեցնել, որ դրամը միայն ու միայն միջոց է, և ո՛չ երբեք՝ նպատակ… Սովորեցնել, թե ինչպես Մարդ լինել, լինել սեփական Ազգին, Երկրին, Հայրենիքին, Ծննդավայրին նվիրված քաղաքացի…

Շնորհավոր Ուսուցիչների Տոնը…

Առանց Ուսուցիչների Աշակերտներ չէին լինի…

Սա ոչ պակաս տոն է նաև աշակերտների համար, առանց որոնց Ուսուցիչներ չէին լինի…

Ուսուցիչներին ցանկանում եմ արժանի հետնորդներ…, որ ապրեն լիարժեք, երջանիկ, երբեք ստիպված չլինեն մտածել օրվա հացի մասին, այլ հնարավորություն ունենան անել այն, ինչ իրենց Էությունն է՝ Կոչումով, Առաքելությամբ Ուսուցիչ…

Ովքեր ապրում են մեր հետ գնահատենք ըստ արժանվույն կենդանության օրոք…
Իսկ նրանք, ովքեր արդեն հավերժի ճամփորդ են…

…Թող լույս լինի Ձեր անցած երկրային և երկնային ճանապարհը…

Եւս մեկ անգամ՝ Շնորհավորում եմ, Երախտապարտ եմ…

Երբեք չկորցնեք Ուսուցչի Հմայքը…

#Առաքելությամբ_Ուսուցիչ

Զաքար ԽՈՋԱԲԱՂՅԱՆ

Լրահոս
Անհետ կորածների թիվը հասավ 20-ի, որոնցից չորսն Իրանի քաղաքացիներ են․ նոր տվյալներ «Սուրմալու» առևտրի կենտրոնում տեղի ունեցած պայթյունի դեպքի առթիվ կան հարցաքննված անձինք․ ՔԿ մամուլի խոսնակ Աղվան Հովսեփյանն ազատության մեջ է, սակայն կշարունակվի գտնվել բժշկական կենտրոնում. փաստաբան Ինչպիսի եղանակ է սպասվում Հայաստանում ԱԻՆ-ը թարմացրել է անհետ կորած քաղաքացիների ցուցակը. նրանց թվում կա օտարերկրյա քաղաքացի Պուտինը ցավակցական հեռագիր է հղել Փաշինյանին՝ «Սուրմալու»-ում տեղի ունեցած պայթյունի կապակցությամբ Ակնհայտ է, որ չի կարող խոսք լինել ահաբեկչական ակտի մասին. ԱԻ նախարարը՝ «Սուրմալու»-ի պայթյունի մասին «Սուրմալու» առևտրի կենտրոնում հայտնաբերվել է ևս մեկ դի ՈւՂԻՂ․ Իրավիճակը՝ Սուրմալուի տարածքում Դոլարի, եվրոյի և ռուբլու փոխարժեքը՝ փոխանակման կետերում «Սուրմալու»-ի տարածքում անհետ կորած է համարվում 15 քաղաքացի ԱԱԾ-ն հորդորում է զերծ մնալ ՀՀ տարածքում ահաբեկչական գործողությունների սպառնալիքների վերաբերյալ չճշտված տեղեկություններ հրապարակելուց Ողբերգական ավտովթար Ստեփանակերտ-Այգեստան-Դրմբոն ճանապարհին. մահացել է 22-ամյա աղջիկ «Սուրմալու»-ում փրկարարները փլատակներից դուրս են բերել 10 տուժածի, 6 դի, 21 տրանսպորտային միջոց․ տեսանյութ Նիկոլ Փաշինյանն այցելել է «Սուրմալու» առևտրի կենտրոն Պայթյունի հետևանքով բուժումը շարունակում է 21 տուժած․ նրանց առողջական վիճակը միջին ծանրության է․ ԱՆ «Սուրմալու» առևտրի կենտրոնում պայթյունի հետևանքով մահացածների թիվը հասել է 6-ի Այս պահին կա շուրջ 27 անհետ կորած, որոնց թվում հղի կին իր 5 տարեկան երեխայի հետ Փրկարարները «Սուրմալու» տոնավաճառի փլատակներից դուրս են բերել ևս մեկ դի․ այս պահին կա 3 զոհ «Մենք ուզեցել ենք վավերագրական կադր ստանալ, որտեղ կլինեին հրշեջներ, փրկարարներ․․․» Կտրուկ վատթարացել է N զորամասի շարքային զինծառայողի ինքնազգացողությունը, կյանքը փրկել չի հաջողվել․ ՀՀ ՊՆ Որոշակի պարբերականությամբ հայտարարվում է լռության րոպե՝ փլատակների տակ մնացած ողջ մարդկանց ձայնը լսելու նպատակով Փլատակների տակից փրկարները գտել են 1 քաղաքացու դի Բերձորի և Աղավնոյի տներն անվնաս թուրքին հանձնող հայ իշխանավորը Հայրենիք է վաճառում 5-ամյա աղջնակը տեղափոխվել է հիվանդասենյակ, վիճակը կայուն է, կյանքին վտանգ չի սպառնում Պայթյունից տուժածների թիվը հասել է 57-ի․ 36-ի վիճակը մասնագետները միջին ծանրության են գնահատում ԱԻՆ-ն ահազանգ է ստացել տարբեր օբյեկտներում ու կենտրոններում պայթուցիկ սարքերի տեղադրման մասին Երևանի մետրոպոլիտենից քաղաքացիները տարհանվում են «Սուրմալու» տոնավաճառի պայթյունի հետևանքով տարբեր ԲԿ-ներ տեղափոխված քաղաքացիների թիվը հասել է 51-ի «Սուրմալու» տոնավաճառի պայթյունի հետևանքով կա մեկ զոհ և 45 տուժած տուժած․ ԱԻՆ «Սուրմալու» տոնավաճառի պայթյունի հետևանքով 7 երեխա և 2 մեծահասակ տեղափոխվել են «Սուրբ Աստվածամայր» ԲԿ Սուրմալու շուկայում պայթել է հրավառությունների նյութերի համար նախատեսված պահեստը «Սուրմալու» առևտրի կենտրոնում պայթյունի հետևանքով, նախնական տվյալներով, կա մեկ զոհ և 20 տուժած «Սուրմալու»-ում տեղի ունեցած պայթյունի հետևանքով 7 հոգի տեղափոխվել է հիվանդանոց Տեսախցիկը ֆիքսել է սարսափելի պայթյունի կադրերը «Սուրմալու» տոնավաճառում պայթյուն է տեղի ունեցել․ տեսանյութ Թալիբները կժամանեն Մոսկվա Ռուսական ինքնաթիռներն արգելափակված են Գերմանիայում Դոլարի, եվրոյի և ռուբլու փոխարժեքը՝ փոխանակման կետերում ՌԴ քաղաքացին հայտնել է, որ «Հոլիդեյ» հյուրանոցում բուժքույրը գողացել է իր կնոջ ոսկյա մատանին
Խմբագրի ընտրություն
website by Sargssyan