Հուլիսի 1-ից զբոսաշրջիկների համար կբացվի Մաչու Պիկչուն
Նմանատիպ
ԵՐԵՎԱՆ, 9 ՀՈՒՆԻՍԻ, Tert.am: Հուլիսի 1-ին կորոնավիրուսով պայմանավորված երկարաժամկետ դադարից հետո Պերուում զբոսաշրջիկների համար կբացվի ինկերի քաղաք Մաչու Պիկչուն: Այս մասին տեղեկացնում է korrespondent.net կայքը` հղում տալով պերուական RPP լրատվամիջոցին:
Հաղորդվում է, որ հին քաղաք այցելելու համար անհրաժեշտ կլինի ախտահանել կոշիկները, լվանալ ձեռքերը, դիմակ կրել և սոցիալական հեռավորություն պահպանել:
Զբոսաշրջիկներին Մաչու Պիկչուի մերձակա գյուղ տեղափոխող գնացքները պետք է լցվեն միայն կիսով չափ, որպեսզի հաջողվի խուսափել մարդկանց կուտակումներից:
Մաչու Պիկչուի աշխատակազմը, ինչպես նաև մոտակայքում գտնվող ռեստորանների ու հյուրանոցների աշխատակազմի անդամները պարբերաբար կորոնավիրուսի թեստեր պետք է հանձնեն:
Պերուի իշխանությունները խոստացել են մուտքը հուշարձան անվճար դարձնել պետական ծառայողների, երեխաների, դեռահասների և թոշակառուների համար՝ անկախ նրանց քաղաքացիությունից:
Հետևեք մեզ նաև Telegram-ում