Երկու ստենդ սրտիս ոտքով եկել եմ ու ընտրել քեզ, ինչո՞ւ ես դուխներս կոտրում. Ակցիայի մասնակիցը՝ Նիկոլ Փաշինյանին
Նմանատիպ
ԵՐԵՎԱՆ, 18 ՍԵՊՏԵՄԲԵՐԻ, Analitik.am: Ես 70 տարեկան կին եմ, այսքան ղեկավար եմ փոխել, որևէ մեկի համար քվեարկության չեմ գնացել, քանի որ չեմ հավատացել: Բայց ձեզ համար երկու ստենդ սրտիս մեջ դրած Առինջ մոլի ժողովրդի հետ ոտքով իջել եմ հրապարակ, որպեսզի քվեարկեմ՝ մտածելով, որ դուք եկել եք ժողովրդի մասին մտածեք: Մեր դուխն ինչի՞ եք կոտրում: Այս մասին կառավարության մոտ հայտարարեց ակցիա անող առևտրով զբաղվող կանանցից մեկը:
Կնոջ խոսքերով, մարդիկ սովից կոտորվում են, պաշտոնյաներն ուզում են իրենց թոռների համար թանկարժեք ավտոմեքենաներ գնել, իսկ իրենք իրենց թոռնիկների համար չեն կարողանում ինչ-որ բան գնել. «Մենք աշխատում ենք ռայոնի մարդկանց հետ, ովքեր փող չունեն գնումներ անելու, մի հատ եկեք տեսեք, թե ինչ է կատարվում: Մարդիկ 8-10 հազար դրամով հարսանիքի շոր են ուզում գնել, քանի որ գումար չունեն»:
«Ամբողջ աշխարհին ստիպեցինք, որ ճանաչեն մեր ցեղասպանությունը, սակայն չենք կարողանում մեր երկրում ապացուցել, որ վիճակ չունենք այլևս: Պետք է բոլորը ոտքի դուրս գան, բոլորը, ովքեր ժամանակին կանգնեցին նրա կողքը»,-հավելեց նա:
Հետևեք մեզ նաև Telegram-ում