AM | RU
USD
EUR
RUB

«Հենակետ» վերլուծական կենտրոնը տեղեկություններ է ներկայացրել ընթացիկ շաբաթվա ընթացքում մամուլում և սոցիալական ցանցերում շրջանառվող լուրերի մասին

 

«Հենակետ» վերլուծական կենտրոնը համառոտ տեղեկություններ է ներկայացրել ընթացիկ շաբաթվա ժամանակամիջոցում մամուլում և սոցիալական ցանցերում շրջանառվող լուրերի մասին։

Սյունիքի և Գեղարքունիքի սահմանների շուրջ ծավալվող զարգացումների մասին

Շաբաթվա սկզբնամասում, հուլիսի 6-ին, Գեղարքունիքի Վերին Շորժա գյուղի սահմանային հատվածում Ադրբեջանը փոխհրաձգություն է հրահրել. հայկական կողմն ունեցել է մեկ, ադրբեջանցիները՝ երկու վիրավոր զինծառայող։

Ադրբեջանի պաշտպանական գերատեսչությունից հերքել են, որ կրակ են բացել հայկական ուժերի ուղղությամբ։

ԱԽ քարտուղար Արմեն Գրիգորյանը, անդրադառնալով հայ-ադրբեջանական սահմանին տեղի ունեցած միջադեպին և այդ համատեքստում ՀԱՊԿ-ի գործողություններին, նշել է, որ Ադրբեջանի կողմից Վերին Շորժա համայնքում կազմակերպված պրովոկացիայի վրա որոշակիորեն ազդել են ՀԱՊԿ-ի կողմից հնչեցված որոշ հայտարարություններ։ Ըստ Գրիգորյանի՝ Ստանիսլավ Զասի հայտարարությունները հիմք են տվել, որ Ադրբեջանը սահմանային միջադեպ հրահրի։ Գրիգորյանը նաև հավելել է, որ եթե սահմանային վեճերը լուծելու ուղղությամբ ՀԱՊԿ-ի և ՌԴ-ի հետ քննարկումները չտան արդյունք, իրենք կփնտրեն այլ լուծումներ։

Հիշեցնենք, որ նախորդ շաբաթ Զասը ՀՀ-ի հարավում իրավիճակի սրումը «սահմանային միջադեպ» է որակել և նշել, որ նման միջադեպերը չեն համապատասխանում ՀԱՊԿ կանոնադրության դրույթներին։

ՄԻՊ Արման Թաթոյանն իր ֆեյսբուքյան էջում տեղեկացրել է, որ ադրբեջանական զինծառայողները Խնածախ գյուղում հովվի անչափահաս երեխայի մոտից գողացել են 3 եղջերավոր կենդանի, իսկ Տեղ գյուղում խոչընդտել են ցորենի հավաքը:

ՄԻՊ-ը կրկին պնդել է իր այն առաջարկը, ըստ որի՝ ադրբեջանական ԶՈՒ հանցավոր արարքներից ՀՀ բնակչության պաշտպանության նպատակով բացարձակ հրատապությամբ անհրաժեշտ է ստեղծել անվտանգության գոտի։

Հուլիսի 6-ին համացանցում տարածվում է ռուսական դրոշներով տեխնիկայի տեղաշարժի լուսանկարներ։ Ըստ օգտատերերի՝ ռուս սահմանապահները վերահսկողության տակ են վերցրել Հայաստանի ու ԼՂՀ սահմանը: Լուսանկարները արվել են Գեղարքունիքի մարզում և դրանցից երևում է, որ ռուս սահմանապահների շարժական խմբեր են ու ՌԴ ՊՆ 102-րդ բազայի զինծառայողներ:

ՀՀ-ում Ռուսաստանի դեսպան Սերգեյ Կոպիրկինը, անդրադառնալով այդ խնդրին, հայտնել է, որ Հայաստանի և Ադրբեջանի սահմանին ռուս սահմանապահների տեղակայման վերաբերյալ առարկայական քննարկումներ են ընթանում։ Կոպիրկինը նշել է, որ քննարկվում է այն հարցը, թե ինչպես կարելի է ընդլայնել իրենց ներկայությունը Գեղարքունիքում։
Ռազմագերիների, անհետ կորած, զոհված զինծառայողների հետ կապված հարցերի մասին

Անցած շաբաթ օրը ռուսական կողմի միջնորդությամբ հայ ռազմագերիների 15 հոգանոց խմբի վերադարձից առաջ հայկական կողմը Բաքվին է փոխանցել Ֆիզուլիի ու Զանգելանի շրջանների ականապատ դաշտերի քարտեզները։

Արցախում ռուսական խաղաղապահ զորքերի հրամանատար, գեներալ Ռուստամ Մուրադովը գերիների վերադարձից հետո Էրեբունի օդանավակայանում լրագրողներին ասել էր, թե քարտեզներն անձամբ ինքն է փոխանցել։

Ադրբեջանի ԱԳՆ փոխանցմամբ` հայրենիք վերադարձած 15 ռազմագերիները Բաքվի դատարանի որոշմամբ դատապարտվել էին 6-ամսյա ազատազրկման սահմանն ապօրինի հատելու համար։ Բաքուն, սակայն, չի վերադարձրել նույն խմբում մեղադրվող, բայց 4-ական տարվա ազատազրկման դատապարտված Հրաչ Ավագյանին ու Գեղամ Սերոբյանին։

ՄԻԵԴ-ում ՀՀ ներկայացուցիչ Եղիշե Կիրակոսյանը, խոսելով 44 -օրյա պատերազմի մասին և անդրադառնալով հայ ռազմագերիների թեմային, հայտնել է, որ այս պահին հաստատված կան 45 գերիներ, բայց նրանց թիվը բավականին մեծ է, իսկ անհետ կորածներից ոմանց ՀՀ վերադարձած գերիները տեսել են Բաքվում։

Այլ թեմաներ

ՌԴ ԱԳՆ պաշտոնական ներկայացուցիչ Մարիա Զախարովան ամենշաբաթյա ճեպազրույց է անցկացրել, որի ժամանակ անդրադարձ է եղել նաև ՀՀ տարածքում ռուսական ռազմաբազայի հավանական ընդլայնման և Հայաստան-Ադրբեջան սահմանի որոշ հատվածում ռուս սահմանապահների տեղակայման մասին հարցերին: 
Նրա խոսքով՝ ղարաբաղյան հակամարտության կարգավորման համալիր հարցերը մանրամասն քննարկվել են հուլիսի 7-ին Մոսկվայում ՌԴ նախագահի ու ՀՀ վարչապետի պաշտոնակատարի հետ:

Ըստ Զախարովայի՝ ՌԴ-ն պատրաստ է աջակցել հայ-ադրբեջանական սահմանի սահմանազատման աշխատանքների մեկնարկին։

ՊՆ անցուդարձի մասին

Շաբաթվա ընթացքում ՊՆ զորամիավորումների տարբեր զորամասերում անցկացվել են կրակային պատրաստության գործնական պարապմունքներ, մասնագիտական ու մարտավարական պարապմունքներ, տեղի են ունեցել ամփոփիչ ստուգումներ և այլն։
Անվտանգության ոլորտի վերաբերյալ թեմաները լրատվական հոսքերում բավականին նվազել են, որոշակի չափով լուսաբանվել են Սյունիքի և Գեղարքունիքի սահմանային հատվածներին առնչվող հրապարակումները։

 

Լրահոս
Իշխան Սաղաթելյանը Եվրախորհրդարանում ներկայացրել է «Դիմադրության» շարժման նպատակներն ու առաջիկա ծրագրերը Հրդեհ` Աբովյան փողոցում Ինչպիսի եղանակ է սպասվում Հայաստանում Դոլարի, եվրոյի և ռուբլու փոխարժեքը՝ տարադրամի փոխանակման կետերում ՀՀ սուվերեն տարածքից հայ զինվոր է առևանգվում. Աննա Գրիգորյան ՊՆ-ն հաստատում է՝ հակառակորդը կրակ է բացել Խաչիկի ուղղությամբ, պատասխան կրակից հետո լռեցվել է Հակառակորդը մոտ 10 րոպե ինտենսիվությամբ կրակ է բացել Խաչիկ գյուղի ուղղությամբ Կրակոցներ՝ Գեղարքունիքի մարզում․ հայտնաբերվել է «Կալաշնիկով»-ի 25-ից ավելի պարկուճ Զոհվածի հորը ծեծողին էլ պարգեւատրեց. «Հրապարակ» Որ ճանապարհներն են կապելու Թուրքիան Ադրբեջանին․ «Հրապարակ» Դատախազի տեղակալները դիմումներ կգրեն. կմնա միայն մեկը. «Ժողովուրդ» Երևանի և 7 մարզերի որոշ հասցեներում մի քանի ժամ լույս չի լինի Պաշտպանության մասին աղմկահարույց օրենքն արտահերթ նիստով արագ կընդունվի. «Հրապարակ» Իշխան Սաղաթելյանը մեկնել է Եվրոպա. նա բարձր մակարդակի 10-ից ավելի հանդիպում է ունենալու «Հրապարակ» «Ի պաշտպանություն ՀՀ Սահմանադրության»․ այսօր, ժամը 11։00-ին երթ է լինելու Հայաստանը նշում է Սահմանադրության օրը Մի շարք համայնքներում կդադարեցվի ջրամատակարարումը Հայաստանում երկրաշարժ է տեղի ունեցել Ինչպիսի եղանակ է սպասվում Հայաստանում Դոլարի, եվրոյի և ռուբլու փոխարժեքը՝ հայաստանյան բանկերում Ահազանգեր են ստացվել, որ Ռուսաստանի և Չինաստանի դեսպանատներում ռումբեր են տեղադրված ԱԱԾ բացահայտած «դավաճանական գործակալական ցանցի» 2-րդ կալանավորված զինծառայողն է ազատ արձակվել «3+3» ձևաչափով հաջորդ հանդիպումը տեղի կունենա Իրանում․ Բայրամով Կոտայքի մարզում 8-ամյա տղան պատահական կրակոցից մարմնական վնասվածք է ստացել Իշխանությունը չունի սոցիալական հենարան, բայց սա մեխանիկորեն չի ենթադրում ընդդիմության հաջողություն Գեղարքունիքում 44-ամյա վարորդը վրաերթի է ենթարկել հորեղբոր 13-ամյա թոռանը. վերջինս մահացել է ՈւՂԻՂ. Ակցիա Բաղրամյան-Դեմիրճյան խաչմերուկում Որոշել եմ վայր դնել պատգամավորի մանդատս․ Արթուր Ղազինյան Արցախի լինել-չլինելու հարցն է դրված, կառուցվող նոր ճանապարհը շատ մեծ վտանգներ է պարունակում Բրիտանական զինված ուժերը թուլացել են Ուկրաինային զենք մատակարարելու պատճառով Զոհվածների մեջ որդուն փնտրող հայրը նրան ողջ է գտել Երևանում 50 Cent-ին մատանի են նվիրել, ինչ է խորհրդանշում այն Կիևը բալիստիկ հրթիռներով հարվածել է ՌԴ Բելգորոդի և Կուրսկի բնակելի թաղամասերին Երբ կվճարվի հուլիս ամսվա կենսաթոշակը Դոլարի, եվրոյի և ռուբլու փոխարժեքը՝ տարադրամի փոխանակման կետերում Ինչպիսի եղանակ է սպասվում Հայաստանում Նիկոլի իշխանության կողմից հալածվելը պատիվ է. Իշխան Սաղաթելյան Հուլիսի 4-ին Երևանի և 7 մարզերի որոշ հասցեներում մի քանի ժամ լույս չի լինի Ինչպիսի եղանակ է սպասվում Հայաստանում Իրանում 9 բալ ուժգնությամբ երկրաշարժ է եղել․ կան զոհեր
Խմբագրի ընտրություն
website by Sargssyan