Ես չեմ քննարկում իմ հրամանները․ Զելենսկին՝ Բելգորոդի նավթաբազայի ավիահարվածի մասին

ԵՐԵՎԱՆ, ԱՊՐԻԼԻ 2, Times․am: Ուկրաինայի նախագահ Վլադիմիր Զելենսկին Fox News-ի հետ զրույցում հրաժարվել է մեկնաբանել ուկրաինական ԶՈւ-ի կողմից Բելգորոդի նավթաբազային հասցված ավիահարվածը։

Հարցին, թե նա՞ է հրամայել հարվածել Ռուսաստանում գտնվող նավթաբազային, Զելենսկին պատասխանել է․ «Ես, որպես գերագույն գլխավոր հրամանատար, չեմ քննարկում իմ հրամանները։ Կան բաներ, որոնց մասին խոսում եմ միայն զինված ուժերի հետ»։