Պուտինը Փաշինյանին. «Վերջին շրջանում մենք նկատում ենք լարվածության աճ Լեռնային Ղարաբաղում»

ՌԴ նախագահ Վլադիմիր Պուտինը Բիշքեկում հանդիպել է Նիկոլ Փաշինյանի հետ։ Այս մասին հայտնում է Panorama.am-ը՝ հղվելով Կրեմլի պաշտոնական կայքին։

Իր խոսքում Վ.Պուտինն ասել է. «Մենք վերջերս հանդիպեցինք Երևանում, որտեղ դուք, կարծում եմ, կհամաձայնեք, հաջողությամբ անցկացրիք ՀԱՊԿ գագաթնաժողովը։ Եվս մեկ անգամ շնորհակալություն ենք հայտնում այն մթնոլորտի համար, որ ստեղծել էիք բոլորիս համար մեծ թվով կարևոր հարցերի անկեղծ քննարկման համար։ Մենք այսօր այստեղ ենք հանդիպում։ Մենք, ինչպես միշտ, օգտագործում ենք նման ձևաչափեր երկկողմ բանակցությունների համար։

Եվս մեկ անգամ ուզում եմ ուշադրություն հրավիրել այն փաստի վրա, որ Ռուսաստանը շարունակում է մնալ առաջատար առևտրատնտեսական գործընկեր. Հայաստանի ապրանքաշրջանառության ավելի քան 30 տոկոսը բաժին է ընկնում Ռուսաստանին՝ առաջատարներից մեկը, գուցե նույնիսկ հիմնական ներդրողներից մեկը՝ ներդրումների մոտ 40 տոկոսը։ . Այս տարվա առաջին տասը ամիսներին ապրանքաշրջանառության աճը կազմում է 67 տոկոս։ Սա շատ, շատ լավ, դրական ցուցանիշ է։

Այնուամենայնիվ, հարցեր միշտ լինում են, և ես ուրախ եմ ձեզ հետ հանդիպելու հնարավորության համար»։

Նիկոլ Փաշինյանը նշել է, որ շատ հագեցած օրակարգ ունեն. «Համոզված եմ, որ այսօր քննարկելու ենք նաև տարածաշրջանային հարցեր։ Ցավոք սրտի, իրավիճակը մեր տարածաշրջանում շարունակում է լարված մնալ, և ես ուզում եմ նշել, որ մեր տարածաշրջանում հիմնական խնդիրը, իհարկե, մնում է Լեռնային Ղարանաղի հիմնախնդրի կարգավորումը։

Ցավոք, վերջին շրջանում մենք նկատում ենք նաև լարվածության աճ Լեռնային Ղարաբաղում՝ ռուս խաղաղապահների պատասխանատվության գոտում։ Վստահ եմ, որ դուք տեղյակ եք, որ վերջերս փակվել էր Լաչինի միջանցքը, և Լեռնային Ղարաբաղում այս կապակցությամբ շատ մեծ մտահոգություններ կան։ Իհարկե, մենք միշտ քննարկում ենք այդ հարցերը։ Հուսով եմ, որ այսօր մենք կկարողանանք քննարկել տարածաշրջանային անվտանգության բոլոր կարևոր խնդիրները»։