Գերմանիայի Գերագույն դատարանն անօրինական է ճանաչել Ալիշեր Ուսմանովի հայցի արգելափակումը ընդդեմ ԵՄ Խորհրդի

Գերմանիայի Դաշնային գերագույն դատարանը (BGH) անօրինական է ճանաչել Համբուրգի հողային դատարանի նախագահի գործողությունները, որով երեք տարի արգելափակվում էր ռուսաստանցի գործարար Ալիշեր Ուսմանովի հայցի փոխանցումը Բրյուսելում գտնվող ԵՄ Խորհրդին։ Բարձրագույն ատյանի որոշմամբ՝ դատարանի նախագահը պարտավոր է հայցադիմումն ուղարկել հասցեատիրոջը, քանի որ դատական պաշտպանության հասանելիությունը հանդիսանում է հիմնարար իրավունք։

Գործարարի փաստաբան Յոախիմ Շտայնհյոֆելը հայտարարել է, որ Համբուրգի դատարանի նախագահը գործել է գործադիր իշխանության ազդեցության տակ։ Ըստ առկա նամակագրության՝ Գերմանիայի արտաքին գործերի նախարարությունն ու Արդարադատության ֆեդերալ գերատեսչությունը փորձել են կանխել հայցի ընթացքը՝ պատճառաբանելով, թե դա հակասում է Գերմանիայի արտաքին քաղաքական շահերին։ BGH-ն ընդգծել է, որ դատական իշխանությունն անկախ է, և դատարանի նախագահը չպետք է հրահանգներ ընդունի ԱԳՆ-ից։

Հետևեք մեզ նաև Telegram-ում