ՄԱԿ-ի Անվտանգության Խորհուրդն այսօր կքննարկի Արցախի հարցը

ՄԱԿ-ի Անվտանգության խորհրդի անդամներն այսօր քննարկելու են Լեռնային Ղարաբաղի Հանրապետությունում ստեղծված իրավիճակը։ Այս մասին տեղեկացնում է ՄԱԿ ԱԽ աշխատանքները լուսաբանող Security Council Report (SCR) անկախ հետազոտական կենտրոնը:

SCR տեղեկությունների համաձայն Արցախի հարցը կքննարկվի Լիբիայի վերաբերյալ խորհրդակցություններից հետո։ Արցախի հարցը օրակարգ է բերել Ֆրանսիան։ Թվիթերում կենտրոնի հրապարակած հաղորդագրության համաձայն՝ քննարկումը կայանալու է օրակարգի «Այլ հարցեր» բաժնում: