Դեկտեմբերի 23-ին կմեկնարկի «Հայաստան-Ճարտարագիտական շաբաթ 2022»-ը

Հայաստանի ազգային պատկերասրահում դեկտեմբերի 23-ին կմեկնարկի  «Ճարտարագիտություն, Գիտություն և Արվեստ» խորագրով  «Հայաստան – Ճարտարագիտական շաբաթ 2022»-ը, որի նպատակն է լայն լսարանին ոլորտի վերջին ձեռքբերումների ներկայացումը, ճարտարագիտական համայնքի զարգացումը:

«Հայաստան – Ճարտարագիտական շաբաթ 2022»-ի շրջանակում կքննարկվեն Հայաստանում ճարտարագիտության և արտադրության զարգացման ապագան, ժամանակակից ճարտարագիտական լուծումներն ու ոլորտի վերջին միտումներն ու մարտահրավերները։

Միջոցառման շրջանակում կհյուրընկալվեն ոլորտի առաջատարներ մասնագետներ, ուսանողներ, հետազոտողներ և ճարտարագիտությամբ ու առաջադեմ տեխնոլոգիաներով հետաքրքրված անձինք:

Միջոցառումը դեկտեմբերի 24-ին կշարունակվի Երևանում՝ Ինժեներական քաղաքում, իսկ 25-ին կտեղափոխվի Վանաձորի տեխնոլոգիական կենտրոն:

«Հայաստան – Ճարտարագիտական շաբաթ 2022»-ի մուտքն ազատ է, գրանցումը՝ պարտադիր: 

Կարող եք գրանցվել այստեղ։