Կոռուպցիան հավասարազոր է պետական դավաճանության․ Զելենսկի

Ռազմական դրության ժամանակ կոռուպցիան հավասարազոր է պետական դավաճանության։ Այս մասին հայտարարել է Վլադիմիր Զելենսկին հարցազրույցի ժամանակ։

«Ես խնդիր եմ դրել, օրենսդիրին կառաջարկվի դիտարկել պատերազմի ժամանակ կոռուպցիան՝ իբրև պետական դավաճանություն։ Կաջակցի՞ արդյոք օրենսդիրը այս օրենքին, ես չգիտեմ, բայց ես անպայման կառաջարկեմ»,- ասել է Զելենսկին ուղիղ եթերում։

Նրա կարծիքով՝ նման որոշման ընդունումը կօգնի հաղթահարել կոռուպցիան։

Նշենք, որ Ուկրաինայի օրենսդրության համաձայն՝ ռազմական դրության ժամանակ պետական դավաճանությունը պատժվում է առավելագույն ցմահ ազատազրկմամբ։