Լավրովն ու Բայրամովը քննարկել են «3+3» ձևաչափի մոտեցումները
20/10/2023 18:36
Նմանատիպ
Այսօր՝ հոկտեմբերի 20-ին Ռուսաստանի Դաշնության արտաքին գործերի նախարար Սերգեյ Լավրովը հեռախոսազրույց է ունեցել Ադրբեջանի Հանրապետության արտաքին գործերի նախարար Ջեյհուն Բայրամովի հետ։ Այս մասին հայտնում են ՌԴ արտգործնախարարությունից։
Արտաքին քաղաքական գերատեսչությունների ղեկավարները քննարկել են երկկողմ հարաբերությունների, տարածաշրջանային և միջազգային օրակարգի հրատապ հարցեր:
Վերանայվել են «3+3» խորհրդատվական տարածաշրջանային հարթակի գործունեության մոտեցումները։
Հիշեցնենք, որ Երևանը Թեհրանից «3+3» ձևաչափով արտգործնախարարների մակարդակով հանդիպման հրավեր է ստացել, սակայն, փոխարտգործնախարար Վահան Կոստանյանն այսօր լրագրողներին ասել է, որ Երևանը դեռ չի արձագանքել ու հարցը քննարկվում է։
Հետևեք մեզ նաև Telegram-ում