Թյուրընկալում է՝ տաքսի շահագործողի համար սահմանվել է 1 մլն դրամ տուրք
11/12/2023 13:11
Նմանատիպ
ԱԺ տնտեսական հարցերի մշտական հանձնաժողովի փոխնախագահ Բաբկեն Թունյանը մանրամասներ է հայտնել «Ավտոմոբիլային տրանսպորտի մասին» և կից ներկայացված օրենքների նախագծերում փոփոխություններից։
Ըստ նրա, թյուրընկալում է, թե յուրաքանչյուր տաքսի շահագործողի համար սահմանվել է 1 մլն դրամ տուրք։
Թունյանը տեղեկացրեց, որ 1 միլին դրամ տուրքը սահմանվում է միայն օպերատորների համար՝ տարեկան մեկ անգամ: «Իսկ յուրաքանչյուր տաքսի շահագործող ընդամենը իր ամեն պատվերից 2-3%-ի չափով տուրք է վճարելու, որը ավտոմատ գանձվելու է: Այսինքն՝ այդ 1մլն դրամ տուրքը մեր տաքսի վարող քաղաքացիներին չի վերաբերում: Նման խոսակցություններն իրականության հետ կապ չունեն»,- ասել է նա։
Հետևեք մեզ նաև Telegram-ում
