Stargate անվամբ ձեռնակություն հիմնելու համար 500 միլիարդ դոլար ներդրում կարվրի

ԱՄՆ նախագահ Դոնալդ Թրամփը հայտարարել է մասնավոր հատվածի ներդրումների մասին 500 միլիարդ դոլարի չափով արհեստական բանականության ենթակառուցվածքի ֆինանսավորման համար։ Այս ներդրումն արվում է բիզնեսի համար կարևոր տեխնոլոգիաներում մրցակցող երկրներից առաջ անցնելու նպատակով: Այս մասին հայտնում է Reuters-ը։

Ըստ պարբերականի՝ Թրամփն ասել է, որ Chatgpt, OpenAI, SoftBank և Oracle ստեղծողները նախատեսում են ստեղծել համատեղ Stargate անվամբ ձեռնարկություն։ Նրա խոսքով՝ Stargate-ը կկառուցի տվյալների կենտրոններ, կստեղծի ավելի քան 100,000 աշխատատեղ Միացյալ Նահանգներում:

Այս ընկերությունները՝ Stargate-ի այլ ներդրողների հետ միասին, 100 միլիարդ դոլար են հատկացրել նախագիծը անհապաղ իրագործելու համար, իսկ մնացած ներդրումները, ինչպես սպասվում է, կիրականացվեն առաջիկա չորս տարիների ընթացքում:

Ըստ տեղեկությունների՝ SoftBank-ի գործադիր տնօրեն Մասայոշի Սոնը, OpenAI-ի գործադիր տնօրեն Սեմ Ալթմանը և Oracle-ի տնօրենների խորհրդի նախագահ Լարի Էլիսոնը միացել են Թրամփին Սպիտակ տանը շնորհանդեսի ժամանակ:
Տվյալների կենտրոններից առաջինն արդեն կառուցվում է Տեխասում։ Այս մասին ասել է Էլիսոնը մամուլի ասուլիսում:

Նա հայտնել է, որ կկառուցվի քսանը, յուրաքանչյուրը կես միլիոն քառակուսի ոտնաչափ տարածքով: Նախագիծն ապահովելու է AI-ի աշխատանքը, որը վերլուծելու է էլեկտրոնային բժշկական գրառումները և օգնելու է բժիշկներին հոգ տանել իրենց հիվանդների մասին։