Մինսկում ԱՊՀ կառավարությունների ղեկավարների խորհրդի նիստում կքննարկվի ավելի քան 20 հարց
Նմանատիպ
ԱՊՀ անդամ պետությունների կառավարությունների ղեկավարների խորհրդի հերթական նիստը տեղի է ունենալու հոկտեմբերի 28-ին` Բելառուսի մայրաքաղաք Մինսկում: Ինչպես հաղորդում է «Արմենպրես»-ը` վկայակոչելով ԱՊՀ գործադիր կոմիտեի կայքը, նիստի ընթացքում կքննարկվի ավելի քան 20 հարց:
«Մինսկում օգոստոսի 30-ին տեղի կունենա ԱՊՀ անդամ երկրների մշտական լիազոր ներկայացուցիչների խորհրդի հերթական նիստը, որի ընթացքում նախատեսվում է կազմել հոկտեմբերի 28-ին կայանալիք կառավարությունների ղեկավարների խորհրդի նիստի օրակարգը, որում ընդգրկված է ավելի քան 20 հարց»,- նշված է տեղեկատվության մեջ:
Սպասվում է, որ կառավարությունների ղեկավարները մասնավորապես կքաննարկեն ազատ առևտրի պայմանագրի իրականացման ընթացքը, մինչև 2030 թվականը ԱՊՀ երկրների էներգառեսուրսների արտադրության և օգտագործման հարցը, հումանիտար ոլորտում միջնաժամկետ հատվածում նախատեսվող միջոցառումները և այլն:
Հետևեք մեզ նաև Telegram-ում