Ղրիմի միացումը Ռուսաստանին ոչ թե բռնակցման, այլ Կիևի հակաիրավական գործողությունների արդյունք է. Պուտին

Ղրիմի՝ Ռուսաստանին միանալու պատճառը Կիևի գործողություններն էին. Ռուսաստանն այդ տարածքը չի  բռնակցել: Այս մասին ԱՊՀ գագաթաժողովին հայտարարել է ՌԴ նախագահ Վլադիմիր Պուտինն՝ արձագանքելով  Ղրղզստանում Ուկրաինայի դեսպանի ռեպլիկին:

«Ռուսաստանը ոչինչ չի բռնակցել: Այն ամենն, ինչ տեղի ունեցավ Ղրիմի հետ, Ուկրաինայի քաղաքական որոշ ուժերի հակաիրավական գործողությունների արդյունք է, երբ գործը հասավ  մինչև  պետական հեղաշրջման»,-ասել է Պուտինը՝ հիշեցնելով, որ Ղրիմի միացումը Ռուսաստանին  տեղի է ունեցել այդ տարածքում ապրող մարդկանց կամարտահայտության արդյունքում՝ միջազգային իրավունքի և ՄԱԿ-ի կանոնադրության համապատասխան, ինչպես նաև անալոգային հարցերի վերաբերյալ ՄԱԿ-ի դատարանների  որոշումների, ինչպիսիք առկա են ՄԱԿ-ի միջազգային պրակտիկայում, հաղորդում է ՏԱՍՍ-ը: