«Առանց Անկախության չեմ կարող երազել, բայց սխալ եմ համարում Արցախ-Հայաստան առանձնացումը». արցախցի շեփորահար (տեսանյութ)
Նմանատիպ
«Անկախությունն ինձ համար շատ մեծ նշանակություն ունի, որովհետև ես սիրում եմ երազել, նպատակ դնել և հասնել դրանց, իսկ առանց անկախության ես սա չեմ կարող դա անել»,-Times.am-ի հետ զրույցում ասում է ««Անկախության սերունդ» երգչախումբ-նվագախմբից արցախցի շեփորահար Հարություն Հարությունյանն ու հավելում, թե հայ հայրենիքի հանդեպ մեր սերը ցույց տվեցինք ապրիլյան քառօրյա պատերազմին. «Ամբողջ աշխարհին ցույց ենք տվել, որ կարող ենք համախմբվել և կռվել հանուն հայրենիքի: Ես ուրախ եմ, որ Անխախության սերնդի մի մասն եմ»: Մի պահ լռությունից հետո Հարությունը ցավով արձանագրում է, որ Երևանում երբեմն հանդիպում է դեպքերի, երբ չեն գիտակցում Անկախություն ասվածի արժեքը, իսկ Արցախում այլ է:
Այստեղից սահուն անցում «հայկական երկու պետություն» ձևակերպմանն ու Արցախ-Հայաստան տարանջատմանը: Արցախցի շեփորահարը, ում հայրը մասնակցել է Արցախյան պատերազմին, սրան կտրականապես դեմ է՝ Արցախը Հայաստան է և վերջ:
Մանրամասները՝ տեսանյութում:
Հետևեք մեզ նաև Telegram-ում