«Վոստոկ» եւ «Զապադ» հատուկ նշանակության գումարտակներն ուղարկվում են Սիրիա. «Իզվեստիա»
Նմանատիպ
Ռուսաստանի պաշտպանության նախարարության «Վոստոկ» եւ «Զապադ» հատուկ նշանակության երկու գումարտակների զինծառայողները, գումարտակներ, որոնք տեղաբաշխված են Չեչնիայի Հանրապետությունում, մեկնելու են Սիրիա՝ պահպանելու Հմեյմիմ ավիաբազան: Ինչպես տեղեկացնում է «Արմենպրես»-ը, դեկտեմբերի 8-ին այս մասին գրել է «Իզվեստիա» թերթը՝ վկայակոչելով ռազմական գերատեսչության իրազեկ աղբյուրներ:
Հրատարակության տվյալներով՝ «Վոստոկը» եւ «Զապադը» զինվորական ոստիկանության գումարտակների են վերակազմվել եւ Սիրիա ուղարկման պատրաստվել նոյեմբերի վերջին:
Ինչպես նշված է, «մինչեւ դեկտեմբերի վերջը երկու զորամասերն էլ կավարտեն ծավալումը եւ ձեռնամուխ կլինեն արաբական հանրապետությունում ռուսական օբյեկտների պահպանությանը»: Ինչպես գրել է «Իզվեստիան», «Վոստոկ» եւ «Զապադ» հատուկ նշանակության գումարտակներն ստեղծվել են 2003 թվականին: Հրատարակությունը նշում է, որ այս գումարտակները «երկար ժամանակ համալրվում էին առավելապես չեչեն ազգության զինծառայողներով, ինչի համար էլ ստացել են «հատուկ նշանակության չեչենական ուժեր» ոչ պաշտոնական անվանումը, հաղորդել է ՏԱՍՍ-ը:
Հետևեք մեզ նաև Telegram-ում