AM | RU
USD
EUR
RUB

Ու՞ր է իմ մուսան

 
 
 

Կորել է մուսաս, գտնողին խնդրում եմ վերադարձնել։ Առանց նրա ես ոչինչ եմ։ Առանց նրա ես սոսկ հուշերով ապրող ու նույն հուշը արդեն հազար անգամ պատմած ու ընթացքում հազար անգամ փոխած ու հազար անգամ ճոխացրած այն մառազմատիկն եմ, որ հենց սկսում է մի բան պատմել, կողքից բոլորը միանգամից բացականչում են, գիտենք, գիտենք…գիտե՞ք։ Բայց այս տարբերակը չգիտեք։ Մի ընդհատեք ու երևի նոր բան իմանաք թե դուք, թե ես։

Այս տարբերակը, որը պատմելու եմ, ես նույնպես առաջին անգամ եմ լսելու։ Եթե հոգնել եք վերջաբանից, կարող եմ այն փոխել։ Եթե առաջաբանը չի գրավում, հնարավոր է այն նորովի ներկայացնել։ Դա հին հիվանդություն է։ Տարիներով փակված իրար մեջ, մի սենյակում, մենք իրար պատմում էինք նույն պատմությունը։ Իրար պատմում էինք ու վիճում և բնավ կարևոր չէր, ով է ներկա եղել այդ պատմության կերտմանը, ով` ոչ։ Քանի որ հազար անգամ պատմել էինք իրար, ապա բոլորս էլ այդ պատմության կերտողներն էինք, նույնիսկ նրանք, ովքեր այդ տարիներին դեռ չէին ծնվել։ Այո, դեռ չէին ծնվել, բայց արդեն հասցրել էին մեծ գործեր անել։

Իսկ իմ մուսան իմ նոր էջի անցաթուղթն էր, հաջողության նոր գրավականը, նոր պատմությունների ձևավորման հիմքը։ Պատմություններ, որոնք դեռևս չէին կորցրել իրենց կուսական վիճակը ու պետք է մատուցվեին միանգամայն սկզբնական պատկերով։

Իմ մուսան իմ հույսն էր, իմ թևերը, իմ երանությունը։ Նա եկավ բավականին համարձակ, Սուլայի ինքնավստահությամբ, Մակեդոնացու մեծամտությամբ, Կեսարի վճռականությամբ, Մարկոս Ավրելիոսի իմաստնությամբ, Ցիցերոնի ճարտասանությամբ։ Եկավ խրոխտ քայլերով ու ամենավճռական պահին փախավ Ցռան Վերգոյի պես։

Իմ մուսան իմ պարզ ճակատն էր, որը ծածկում էր կնճիռներս։ Իմ ուժն էր, որը թաքցնում էր տկարությունս։ Երբ նա կար, ես ես էի, իսկ առանց նրա ես ես չեմ։ Իսկ գուցե հակառա՞կը։ Գուցե իմ մուսան այն դիմակն էր, որը թաքցնում էր իմ իրական դեմքը։

Սակայն ես վախենում եմ իմ իրական պատկերից։ Վախենում եմ հայելուց, վախենում եմ ինքս ինձ հետ մենակ մնալուց, ինքս ինձ հետ խոսելուց։ Վախենում եմ իմ ստվերից։
Ինքնախաբեությունը ամենաքաղցր երևույթն է, որը պարուրում է մարդուն, ամենամեծ դարմանն է խղճի։ Եթե մարդը կարողանում է խաբել ինքն իրեն, այնուհետև կարող է խաբել բոլորին առանց խղճի խայթի։ Սեփական ես-ին խաբելուց հետո, այն այլևս խաբեություն չէ, պարզապես սեփական ես-ի այլափոխված մատուցման տարբերակն է։ Դա կեղծիք չէ։ Դա ընդամենը թյուրիմացություն է, քանի որ մատուցում ես ոչ թե եսդ, այլ՝ սոսկ նրա մասին պատկերացումներդ։

Իսկ հիմա երբ կորել է մուսաս, կանգնել եմ սեփական եսիս դեմ հանդիման, քանի որ չքվել են նաև պատկերացումներս ու եսս միանգամայն մերկ, իր անճոռնի մարմնով տնկված է աչքերիս առջև։

Այո, կորել է մուսաս, խնդրում եմ գտնողին վերադարձնել նրան, քանի դեռ մերկությունս չի հառնել ի ցույց բոլորի։ Իսկ երբ գտնեք նրան, ես կրկին կհագնեմ դիմակս, բնականաբար կմոռանամ այս գրածներս ու դուք նորից կտեսնեք իմ մեծամիտ պատկերը։

Կմոռանամ, քանի որ մարդիկ սովորաբար միշտ հիշում են իրենց երանելի մեկ տարին` մոռացության մատնելով թշվառության տասնամյակները։ Մարդիկ սովորաբար թեկուզ պատահական, բայց գեթ մեկ հաջողությունը համարում են իրենց արժանի տեղը կյանքում, իսկ ի վերուստ բաժին ընկած ու ողջ կյանքում հետապնդող անհաջողությունները մեկնաբանում եմ ընդամենը որպես ճակատագրի հարված ու ամփոփում մեկ նախադասությամբ` բա մենք է՞դ տղեն էինք։

Հիմա մուսա ջան, դու որ կորել ես, չե՞ս մտածում, բա ես է՞դ տղեն էի։

Կարեն ԿԱՐԱՊԵՏՅԱՆ

Լրահոս
Անձնական նկատառումներ չկային սահմանադրական բարեփոխումները նախաձեռնելիս Իշխանությունները պարտավոր են դրսևորել հանդուրժողականություն և զսպվածություն. Շարմազանովը` բողոքի ցույցերի մասին Ցանկություն չկա հարկադրանքի միջոց կիրառելու, բայց չի կարող երկրում տիրել ամենաթողության Նիկոլ Փաշինյանը հայտարարեց փողոցները փակելու մարտավարությանը վերադառնալու մասին ԵՄ-ն Թուրքիայից պահանջել է բարիդրացիական հարաբերություններ պահպանել հարևանների հետ և վերացնել արտակարգ դրության ռեժիմը Բերման ենթարկվածները «Ելք»-ի պատգամավորներին փոխանցել են, որ ոստիկանները հիմնականում իրենց նկատմամբ հարգալից վերաբերմունք են դրսևորել Կառավարության կազմավորման գործընթացը կավարտվի երկու-երեք օրվա ընթացքում Կառավարության նոր ծրագրով նախատեսվում է տարեկան ապահովել 5 և ավելի տոկոս տնտեսական աճ Վաղաժամ ընտրությունների առաջարկը թուրքական մեջլիսում քննարկվելու է շաբաթվա վերջին Պետության կարիքների համար երկարացվում է սեփականության օտարման մասին օրենքի բողոքարկման ժամկետը Հայաստանի ժուռնալիստների միությունը կոչ է անում հարգել լրագրողի մասնագիտական գործունեությունը ՀՀ պաշտպանության նախարարությունում անցկացվում է զինկոմիսարիատների ղեկավար կազմի եռօրյա ուսումնական հավաք Փոքր ավիացիայի ոլորտում իրականացվելու է խոշոր ներդրումային ծրագիր Չենք երազել աշխատել այսպիսի պայմաններում. Դավիթ Հարությունյանը փաստում է՝ կառավարության շենքի շրջափակումն անօրինական գործողություն է Կառավարությունը նոր նախագծով նոր կարգավորումներ է մտցնում ԴԱՀԿ-ի և պարտապանի հարաբերություններում Տեղի ունեցող ցույցերը բացասական ազդեցություն են ունենալու տնտեսության զարգացման վրա Կառավարության նիստի վերջում Սերժ Սարգսյանը կառավարության անդամներին մաղթել է բարձր տրամադրություն ԵԱՀԿ/ԺՀՄԻԳ տնօրենը Հայաստանի իշխանություններին ու ընդդիմությանը երկխոսության կոչ է արել Ակցիաներն ու հանրահավաքները որոշ դեպքերում անցնում են խաղաղ լինելու սահմանագիծը ՀՀ երրորդ նախագահի բնակարանային խնդիրը լուծելու պահը չէ. Սերժ Սարգսյանի խոսքը ՀՀ կառավարության նիստի ժամանակ Արցախում ռազմավարական գրեթե բոլոր ուղղություններով արձանագրվել է առաջընթաց. Բակո Սահակյան Սերժ Սարգսյանը բնակվելու է կառավարական ամառանոցում վարչապետին հատկացված առանձնատանը Կառավարության առաջին նիստն անցել է առանց մեծ բանավեճերի Բելառուսի վարչապետն ընդունել է ԱՊՀ երկրների պետական գործակալությունների ներկայացուցիչներին Հայաստանի Նախագահը Չինաստանի դեսպանի հետ քննարկել է տարբեր բնագավառներում գործակցության ընդլայնման հարցեր Համոզված ենք՝ Հայաստանում իրադրությունը կկարգավորվի ժողովրդավարական ճանապարհով ԿԳՆ-ն հերքում է աշխատակիցների համար որոշ կայքերի արգելափակված լինելու լուրերը Շիրակի ոստիկանությունը հերքում է Գյումրիում ցուցարարների կողմը ոստիկանների անցնելու լուրը ՌԱԿ-ը կոչ է անում չանտեսել երիտասարդության ընդվզումն ու բողոքը Հայաստանը պատրաստ է առաջ մղել ԵՄ հետ քաղաքական երկխոսությունը. Արմեն Սարգսյանն ընդունել է Պյոտր Սվիտալսկուն Կառավարությունը փոփոխում է նիստերի անցկացման ժամը Արմեն Սարգսյանը հայտարարությամբ ողջունել է ՀՀ նախագահի հովանու ներքո քաղաքական խորհրդակցությունների հարթակ ստեղծելու ՀՅԴ առաջարկությունը Նիկոլ Փաշինյանի գլխավորած երթի մասնակիցները ՀՀ կառավարության շենքի մոտ են Սերժ Սարգսյանը հրաժարվել է կառավարության որոշմամբ իրեն հատկացված առանձնատան սեփականության իրավունքից Ներքաղաքական Հայաստան Ծայրահեղ իսլամը վտանգ է Կովկասի համար Երևանի հավաքներում տուժած 5 քաղաքացի հիվանդանոցներում է. նրանցից մեկի վիճակը միջին ծանրության է Առճակատման տանող դիմակայությունը փակուղի է. ՀՅԴ ԳՄ-ն հայտարարություն է տարածել բողոքի զանգվածային ակցիաների վերաբերյալ Զանգվածային անկարգություններին մասնակցելու կասկածանքով ձերբակալվել է 3 անձ. նրանց մասնակցությամբ զննվել են տեսագրությունները Սերժ Սարգսյանի գլխավորությամբ մեկնարկել է կառավարության նիստը
Խմբագրի ընտրություն
website by Sargssyan