Սաուդացի արքայազնը 80 բազե է նստեցրել մարդատար ինքնաթիռի սալոնում
31/01/2017 22:22
Նմանատիպ
Reddit-ի օգտատերը lensoo նիկով հրապարակել է լուսանկար, որտեղ պատկերված են տասնյակ բազեներ, որոնք ճանապարհորդում են սովորական մարդատար ինքնաթիռի սալոնում: Այս մասին, ինչպես տեղեկացնում է «Արմենպրես»-ը, հաղորդել է Mashable հրատարակությունը:
Լուսանկարն արել է ինքնաթիռի անձնակազմի հրամանատարը: Գրառման հեղինակը պնդում է, որ 80 որսորդական թռչունների համար ավիատոմսերը գնել է Սաուդյան Արաբիայի արքայազնը:
Բազեներն զբաղեցնում են միջին շարքի բազկաթոռների մեծ մասը: Որպեսզի թռչունները չանհանգստանան, դրանց աչքերը փակված են գլխներին հագցված կնգուղներով:
Հետևեք մեզ նաև Telegram-ում