Թուրքիայի ռազմական ինքնաթիռները զանգվածաբար խախտել են Հունաստանի օդային սահմանը
02/02/2017 14:50
Նմանատիպ
Հունաստանի պաշտպանության նախարարությունը հայտարարել է թուրքական ռազմական ինքնաթիռների կողմից Հունաստանի օդային տարածք զանգվածային ներխուժումներ իրականացնելու մասին: Ինչպես հաղորդում է «Արմենպրես»-ը, այս մասին հայտնում է Reuters գործակալությունը:
Պաշտպանության նախարարությունից հայտնել են, որ Էգեյան ծովի կենտրոնական և հարավային հատվածներում գրանցվել է խախտումների անսովոր բարձր ցուցանիշ` 138 խախտում:
Կատարվածը խստորեն դատապարտել է Հունաստանի պաշտպանության նախարար Պանոս Կամենոսը, ով Թուրքիայի գործողությունները որակել է որպես «կովբոյի վարքագիծ»: Նա նշել է, որ իրենք խաղաղություն են ցանկանում և կռիվ չեն փնտրում, սակայն չի լինի մի ինքնաթիռ, որի դիմացն իրենք չեն առնի:
Հետևեք մեզ նաև Telegram-ում