Գերմանիայի ՆԳ նախարարը մերժել է Թուրքիայի պահանջը
03/02/2017 16:38
Նմանատիպ
Գերմանիայի ներքին գործերի նախարար Թոմաս դե Մայզիերեն մերժել է Թուրքիայի պահանջը` չուսումնասիրելու թուրք բարձրաստիճան զինվորականների ապաստան ստանալու դիմումները: Ինչպես հաղորդում է «Արմենպրես»-ը, այս մասին նախարարն ասել է Passauer Neuen Presse պարբերականին:
«Թուրքիային ուղղված հատուկ մոտեցում չկա: Գերմանիայի Միգրացիայի և փախստականների հարցերով դաշնային գրասենյակը ինքնուրույն է որոշումներ կայացնում: Դա անկասկած գործում է նաև թուրքերի դիմումների համար»,- ասել է նա:
Մայզիերեն հայտնել է նաև, որ անցնող տարի ավելացել է Գերմանիայից ապաստան խնդրող Թուրքիայի քաղաքացիների թիվը:
Հետևեք մեզ նաև Telegram-ում