AM | RU
USD
EUR
RUB

Վերացնե՛լ ՀՀ քաղաքացիների Վրաստան մուտքի արգելքը Հայտարարություն

 
 
 

Սամցխե-Ջավախքի Մեդիա Վերլուծական Կենտրոնի հայտարարությունը.

Վրաստանի համար ՀՀ քաղաքացի անցանկալի անձանց անուններն ավելանում են շատ արագ տեմպերով: Այսօր արդեն մեր տեղեկություններով Վրաստանի տարածք չեն կարող մուտք գործել մեկ տասնյակից ավելի մտավորականներ, լրագրողներ, քաղաքական ու հասարակական գործիչներ: Առավել ցավալի է այն փաստը, որ անցանկալի անձ ճանաչվածների մի պատկառելի մասը ծնունդով կամ արմատներով Սամցխե-Ջավախք տարածաշրջանից են:

Նրանց շարքերում չկա ոչ մի հանցագործ կամ իրականում Վրաստանի անվտանգությանը սպառնացող որևէ անձ: Օրինակ ինչ վտանգ կարող է սպառնալ լրագրող բազմաթիվ փաստավավերագրական ֆիլմերի հեղինակ Արթուր Մկրտչյանը, ով Վրաստանում նկարահանել է երկրի անվտանգությանը իրական սպառնալիք հանդիսացող թեմայի վերաբերյալ «Թուրքական պայտի վտանգը» վավերագրական ֆիլմը: Ա. Մկրտչյանը մեզ է փոխանցել հետևյալը, որն ավելորդ չենք համարում մեջբերել.

«Գիտակցելով Վրաստանում օրեցօր աճող թուրքական վտանգը և դրա հետևանքները տարածաշրջանային անվտանգության ու նաև ջավախահայության համար, որոշեցի նման ուսումնասիրություն կատարել ու արդյունքը եղավ ֆիլմը: Արմատներով գանձացի եմ, հայրիկիս ազգականները ապրում են այնտեղ, ես միշտ կապի մեջ եմ իմ հարազատների հետ, ամեն տարի գնում-գալիս եմ ու հիմա ինձ փաստորեն զրկել են պապական գյուղում լինելու իրավունքից: Վերջերս հայրիկիս հորաքույրն ու հորեղբայրը մահացան, չկարողացա գնալ: Խնդրի հետ կապված երևի այսքանը: Բնականաբար Վրաստանում նկարահանումների ժամանակ ոչ մի արտասովոր բան չի եղել, օրենք չեմ խախտել, կարողացել ենք նկարահանումներ կատարել հենց խորհրդարանում, մի խոսքով՝ ամեն բան նորմալ է ընթացել, իսկ ֆիլմը հակավրացական որև բան չի պարունակում»,- փաստում է ֆիլմի հեղինակ Արթուր Մկրտչյանը:

Նման ճակատագրի են արժանացել նաև պատմաբան, բազմաթիվ գրքերի ու հոդվածների հեղինակ Վահե Սարգսյանը (ով ևս ծնունդով Ջավախքից է, իր մասնագիտական գործունեության ընթացքում բազմիցս բարձրաձայնել է իր հայրենի ջավախահայության խնդիրների մասին և չի իրականացրել որևէ հակապետական գործունեություն), հուշարձանագետ, ՀՃՈՒ հիմնադրամի ղեկավար Սամվել Կարապետյանն ու վերջինիս խմբի բոլոր անդամները (օրինակ՝ facebook սոցիալական ցանցում մեր հայրենի բնաշխարհը պրոպագանդող Սասուն Դանիելյանն և այլք), սպորտային հեռուստամեկնաբան, ծնունդով ջավախքցի Կարեն Գիլոյանը, Հայ Մարմնակրթական Ընդհանուր Միության /ՀՄԸՄ/ Կենտրոնական Վարչության անդամ, Համաշխարհային Սկաուտական Շարժման /ՀՍՇ/ Բյուրոյի անդամ Բագրատ Եսայանը, ՀՀ ԿԳՆ աշխատակազմի Նախնական և միջին մասնագիտական կրթության վարչության պետ Արտակ Աղբալյանը, Խ. Աբովյանի անվան Հայկական պետական մանկավարժական համալսարանի գիտական գրադարանի տնօրեն Տիգրան Պետրոսյանցը, ՀՀ Ազգային Ժողովի պատգամավոր Շիրակ Թորոսյանը, Հայկական հանրագիտարանի գլխավոր խմբագիր-տնօրեն Հովհաննես Այվազյանը:

Իրենց մասնագիտական գործունեությունն իրականացնելիս ՀՀ-Վրաստան սահմանային անցակետում բազմաթիվ արհեստական խոչընդոտների և փակուղու են հանդիպել ՀՀ մի շարք լրագրողներ, որոնց թվում նաև Հայաստանի հանրային հեռուստատեսության լրատվական ծառայության թղթակից Աննա Մարտիկյանը:

Այս ցուցակը ամենայն հավանականությամբ ավելի ընդարձակ է քան մեր ներկայացրած անունները, քանի որ ոչ բոլորն են բարձրաձայնում այդ մասին և շատերի մասին տեղեկությունները մեզ հասանելի չեն: Այդուհանդերձ, այսքանով էլ ամեն բան պարզորոշ է. Վրաստանի համար անցանկալի անձ են ճանաչվել գիտնականներ, լրագրողներ, մտավորականներ և տարբեր հասարակական գործիչներ, ովքեր Վրաստան (շատերն իրենց հայրենի Ջավախք) մուտքի իրավունքից զրկվել են միմիայն իրենց մասնագիտական գործունեության բերումով:

Առավել ցավալի է այն փաստը, որ Վրաստանի սև ցուցակում են հայտնվել լրագրողները, ովքեր ամբողջ աշխարհում խոսքի ազատության կրողներն են և պետք է, որ մուտք գործելու խնդիր չունենան իրենց ժողովրդավարական երկիր համարող և եվրամիությանն ասոցացվող պետություններում:

Փաստենք, որ ՀՀ խորհրդարանի իշխող Հանրապետական կուսակցության անդամ Շ. Թորոսյանին, ՀՀ ԿԳՆ պաշտոնյային կամ ՀՀ ԳԱԱ գիտական հեղինակավոր հիմնարկի ղեկավար Հ. Այվազյանին անցանկալի անձ հայտարարելը խիստ վիրավորական և բարեկամական հարաբերություններին անհարիր քայլ է, որն իրականացվում է ոչ միայն հայ ժողովրդի, այլև ՀՀ պետության հանդեպ: Իսկ ծնունդով ջավախքցիների մուտքի արգելքը ոչ այլ ինչ է, քան հայրենազրկում, որը, մեղմ ասված, չի տեղավորվում եվրոպական ժողովրդավարական արժեքների մեջ:

Ելնելով վերնշյալից՝ Վրաստանի պատկան մարմիններից պահանջում ենք անհապաղ վերանայել նշյալ քաղաքացիների մուտքի արգելքի մասին որոշումները, վերականգնել վստահությունը ՀՀ քաղաքացիների հանդեպ և վարել բարեկամ պետությանը համահունչ քաղաքականություն: Վաղուց ժամանակն է ձերբազատվելու Մ. Սահակաշվիլու վարչակարգի արգասիք հանդիսացող այս և նման տխրահռչակ երևույթներից:

Լրահոս
Փաշինյանը միակողմանի առաջադրել է նոր պահանջներ. Կարեն Կարապետյանը հայտարարություն է տարածել և դիմել է ՀՀ նախագահին Մենք կանգնած ենք հայ ժողովրդի կողքին. Դոնալդ Թրամփի ուղերձը Ցեղասպանության տարելիցին Երևանում հանդիպել են Բակո Սահակյանն ու Նիկոլ Փաշինյանը Նիկոլ Փաշինյանի և Կարեն Կարապետյանի միջև նախատեսված հանդիպումը վաղը չի կայանա Երևանի Սարալանջի փողոցում տեղի ունեցած ավտովթարից տուժել է չորս մարդ Փաշինյանը շարունակում է պնդել բանակցությունների սեփական օրակարգը Հարգում ենք բոլոր զոհերի հիշատակը և համամարդկային համընդհանուր արժեքները. Անն Իդալգո Ղազախստանի վարչապետը Կարեն Կարապետյանի հետ հեռախոսազրույցում աջակցություն է հայտնել բարեկամ հայ ժողովրդին Կարեն Կարապետյանը հեռախոսազրույց է ունեցել Բելառուսի վարչապետի հետ ԵԽԽՎ-ն Թուրքիայի իշխանություններին կոչ է արել հետաձգել արտահերթ ընտրությունները «Ավրորա» միջազգային մարդասիրական նախաձեռնությունը հուլիսի 1-ից կունենա նոր ղեկավար Ադրբեջանի սահմանապահները կանխել են Թուրքիայից Իրան թմրանյութերի խոշոր խմբաքանակի ներկրման հերթական փորձը Արցախի պաշտպանության նախարարությունը նոր տեսանյութ է հրապարակել ադրբեջանական զինված ուժերի տեղաշարժերի մասին Թուրքիայի հարավ-արեւելքում երկրաշարժից տուժածների թիվը հասել Է 39-ի Ֆրանսիայի դեսպանը բարձր է գնահատում հայաստանյան իրադարձությունների խաղաղ արդյունքը Կարեն Կարապետյանը հանդիպում է ունեցել IDeA հիմնադրամի ղեկավար կազմի ներկայացուցիչների հետ Հրապարակվել է Ադրբեջանի ժողովրդից Ալիևների ընտանիքի թալանած ունեցվածքի հերթական մասը Ապրիլի 24-ը կարեւոր օր է նաեւ Ֆրանսիայի համար. Ժոնաթան Լաքոտ Ապրիլի 24-ը ողբերգական օր է ոչ միայն հայ ժողովրդի, այլև համայն մարդկության համար. Աբխազիայի ԱԳ նախարար Հայաստանում հարգում են Ցեղասպանության զոհերի հիշատակը. ռուսական լրատվամիջոցներ անդրադարձը Ապրիլի 24-ը ոչ միայն Հայոց ցեղասպանությունը հիշելու, այլ նաև աշխարհին մեր պահանջատիրությունը հիշեցնելու օր է. Արամ Ա Նիկոլ Փաշինյանի հետ բանակցությունների օրակարգը բաց է. Կարեն Կարապետյանն ասել է ՀՀ-ում հավատարմագրված դեսպաններին Հունաստանի հայերը ոգեկոչել են Հայոց ցեղասպանության զոհերի հիշատակը Նիդերլանդները կարող է երկու հայ երեխայի արտաքսել Հայաստան Էրդողանն ապրիլի 24-ին հերթական ոչինչ չասող ուղերձն է հղել պոլսահայերին Շիրակի մարզպետը Սերժ Սարգսյանի քայլը քաղաքական համարձակ քայլ է համարում Կարեն Կարապետյանը և Սամվել Կարապետյանը քննարկել են Հայաստանում իրականացվող ներդրումային ծրագրերը Ոստիկաններն արգելել են Ստամբուլում Հայոց ցեղասպանության տարելիցին նվիրված միջոցառման անցկացումը Ես շարունակելու եմ ծառայել իմ երկրին. Աղվան Հովսեփյան Թուրքիան վաղ թե ուշ պետք է ընդունի իր նախնիների ոճրագործությունը «Ծառուկյան» խմբակցությունը սպասում է բանակցությունների արդյունքներին և ժողովրդի կամքը համարում առաջնահերթ Վահան Մարտիրոսյանը Ցեղասպանության միջազգային ճանաչումը կարևորում է նման հանցագործությունների չկրկնվելու համատեքստում Ապրիլի 24-ը հիշեցնում է, թե որքան անկոտրում և կենսունակ ենք մենք. Արա Բաբլոյանի ուղերձը Ոստիկանությունը հատուկ միջոցներ և ֆիզիկական ուժ կիրառել է օրենքի շրջանակներում. Վալերի Օսիպյան Հայաստանում օպերատիվ իրավիճակը վերահսկելի է. Վլադիմիր Գասպարյանը հանդիպել է Կարեն Կարապետյանի հետ Հայկական համայնքը Վրաստանում Թուրքիայի դեսպանատան առաջ ցույց է կազմակերպել Հայոց ցեղասպանությունը պետք է քննարկվի հենց Թուրքիայի խորհրդարանում. Փայլան Զինված ուժերում սկսված բարեփոխումները պետք է շարունակվեն. Կարեն Կարապետյան ԵՄ-ն աջակցում է Հայաստանում ստեղծված իրավիճակին երկխոսության միջոցով լուծում տալու ջանքերին ԱՄՆ-ը ձգտում է «իրադարձությունների ազնիվ ու շիտակ ճանաչման». դեսպան Միլսը Հայոց ցեղասպանության դատապարտման մասին
Խմբագրի ընտրություն
website by Sargssyan