Ռուսաստանը կոչ է արել Սիրայի ընդդիմադիրներին տարանջատվել ահաբեկիչներից
04/03/2017 17:44
Նմանատիպ
Ռուսաստանի Դաշնությունը հուսով է, որ Սիրիայի ընդդիմադիրները առաջիկա օրերը կատարելու են ահաբեկիչներից տարանջատվելու վերաբերյալ խոստումը: «Արմենպրես»-ի հաղորդմամբ` վկայակոչելով «Ռիա Նովոստի»-ն, այս մասին նշել է ՄԱԿ-ի ժնևյան գրասենյակի ՌԴ մշտական ներկայացուցիչ Ալեքսեյ Բորոդավկինը:
Նրա խոսքով` Սիրիայում ահաբեկիչների դեմ պայքարը տեսանելի չէ, իսկ ահաբեկիչներից տարաջատվելու ընդդիմադիրների խոստումը դեռևս չի կատարվել:
«Սպասում ենք, որ առաջիկա օրերին այն կկատարվի: Դա անհրաժեշտ պայման է, որպեսզի ընդդիմադիրները և կառավարական զորքերը միասնական ուժերով կարողանան պայքարել ահաբեկիչների դեմ»,– նշել է Բորոդավկինը
Ավելի վաղ՝ փետրվարի 16-ին Ռուսաստանը որոշել է Իրանի և Թուրքիայի հետ միասին տարանջատել Սիրիայի ընդդիմադիրներին ահաբեկչական խմբավորումներից:
Հետևեք մեզ նաև Telegram-ում