Հասարակության վստահության բարձրացումը պարարտ հող կստեղծի կոռուպցիայի ռիսկերի նվազեցման համար
Նմանատիպ
ՀՀ նախագահի թեկնածու Արմեն Սարգսյանն Ազգային ժողովում ՀՀ 4-րդ նախագահի ընտրության հարցի քննարկման շրջանակում իր ելույթում կարեւորեց պայքարն անընդունելի երեւույթների դեմ, ինչպիսին է, օրինակ, կոռուպցիան: Նրա խոսքով՝ այդ երեւույթն ավերիչ ազդեցություն ունի կյանքի բոլոր ոլորտների վրա:
«Այն խաթարում է օրինական եւ բնական հարաբերությունների ողջ շղթան, մարդու իրավունքները դարձնում առք ու վաճառքի առարկա: Ցավալի է նաեւ, որ հասարակությունը, որը ընդհանուր դժգոհություն է արտահայտում առանձին դեպքերում կամ առանձին փաստերի նկատմամբ, կարող է, մեղմ ասած, ունենալ հանդուրժողական վերաբերմունք: Անհրաժեշտ է, որ վերջին տարիներին Կառավարության կողմից իրականացվող համակարգված, հետեւողական աշխատանքը ունենա լայն հանրային աջակցություն: Հասարակության վստահության բարձրացումը պարարտ հող կստեղծի օրինականության ամրապնդման եւ կոռուպցիայի ռիսկերի նվազեցման համար: Կարեւոր է, որ այդ գործընթացը լինի անշրջելի, եւ մարդիկ հավատան դրան»,-եզրափակեց նա:
Հետևեք մեզ նաև Telegram-ում