AM | RU
USD
EUR
RUB

Առանց «չեզոք կողմի ակտիվ միջամտության» կամ ինչու՞ է աղմկում Տեր-Պետրոսյանը

 
 

Հայաստանի առաջին նախագահ Լևոն Տեր-Պետրոսյանը մտահոգություն է հայտնել Ստեփանակերտում տեղի ունեցած իրադարձությունների առթիվ։ «Այն, ինչ տեղի ունեցավ Հայաստանում, մեղմ ասած, անթույլատրելի է Ղարաբաղում: Նկատի ունեմ բողոքի զանգվածային գործողությունները և ճնշումները ԼՂՀ իշխանությունների վրա», - գրում է Տեր-Պետրոսյանը՝ վստահություն հայտնելով, որ Արցախի ներքաղաքական կայունությունը վերականգնելու համար անհրաժեշտ է «չեզոք կողմի ակտիվ միջամտություն»։ Որպես այդպիսի կողմ նա տեսնում է՝ «դեռևս 1993 թվականից իրեն պաշտոնապես Լեռնային Ղարաբաղի անվտանգության երաշխավոր հայտարարած երկրի` Հայաստանի Հանրապետության» ղեկավարին։ Այսինքն, տվյալ դեպքում, Նիկոլ Փաշինյանին։ Ապա ՀՀ առաջին ղեկավարը հիշեցման կարգով նշում է, «որ նման մի իրավիճակ Լեռնային Ղարաբաղում ստեղծվել էր 1993 թվականին, ինչը հարթելու համար ես և Վազգեն Սարգսյանը, ուղղաթիռով փութալով Ստեփանակերտ, ԼՂՀ ղեկավարների հետ լուրջ խորհրդակցությունների միջոցով շատ արագ լուծեցինք իշխանության ամրապնդման և երկրի կայունության ապահովման խնդիրը»։ Լավ հիշեցում էր, որին քիչ հետո կանդրադառնամ։ Այնուհետև Տեր-Պետրոսյանն ասում է, որ նույն խնդիրն այսօր լուծելու համար «իրենց ազդեցությունը Ղարաբաղում պարտավոր են օգտագործել նաև Ռոբերտ Քոչարյանը, Սերժ Սարգսյանը, Արկադի Ղուկասյանը և Սամվել Բաբայանը, նույնիսկ վերջինիս անհապաղ ազատ արձակման միջոցով»։

Նախ և առաջ ուզում եմ ներողություն խնդրել ընթերցողից՝ Տեր-Պետրոսյանի՝ առանց այն էլ փոքրիկ նյութից այսքան առատ մեջբերումներ անելու համար։ Դրանք անհրաժեշտ են՝ ցույց տալու համար, որ էքս-նախագահը, մեղմ ասած, այնքան էլ անկեղծ չէ իր ձգտումներում։ Համենայն դեպս, դժվար է պատկերացնել, թե ինչպես կարող է, օրինակ, Սամվել Բաբայանը քաղաքական կայունություն բերել Արցախին։ Ճիշտ հակառակը՝ պարզից էլ պարզ է, որ աջակիցների որոշակի քանակ ունեցող և Արցախի իշխանություններին հակառակ ճամբարում գտնվող Բաբայանի ներկայությունն այնտեղ արդեն իսկ ապակայունություն է։ 2016 թվականի զարգացումները վկա։

Երկրորդ, 1993 թվականին Տեր-Պետրոսյանը Արցախ էր գնացել ոչ թե լարված իրավիճակ հարթելու, այլ Քարվաճառը Ադրբեջանին հանձնելու մասին՝ ԼՂՀ իշխանություններին որոշում պարտադրելու նպատակով։ Մինչ Ստեփանակերտ գնալը 1993թ. հունիսի 12-ին նման մի հանդիպում էլ նա Գորիսում է կազմակերպել։ Պաշտոնական Երևանի ճնշումը մեծ էր, ինչն էլ բերել էր ԼՂՀ Գերագույն խորհրդի նախագահության անդամների հարաբերություններում լարվածության առաջացմանը։ Բայց Տեր-Պետրոսյանը մերժվեց, Քարվաճառը ոչ ոքի չհանցնվեց իսկ վերոնշյալ հանդիպման արձանագրությունը Գեղամ Բաղդասարյանի շնորհիվ 2009 թվականին դարձավ հանրության սեփականությունը։ 

Փաստորեն, նենգափոխելով Արցախ այցելելու իր նպատակը, Տեր-Պետրոսյանն այսօր փորձում է սրբագրել իր գործունեության նաև այդ էջը։ Եվ դա ներկայացվում է իբրև մտահոգություն։

Բայց սա դեռ ամենը չէ։ Ուշագրավ է նաև այն փաստը, որ Լևոն Տեր-Պետրոսյանը գերագնահատում է Ստեփանակերտում տեղի ունեցած ցույցի նշանակությունը՝ փորձելով այն «զանգվածային» բառով բնութագրել։ 100 հոգանոց զանգվածային ցույց… թե ե՞րբ էին նրան նման բաները մտահոգել։

Ակնհայտ է, որ առաջին նախագահի մտահոգություններն ամենևին էլ Արցախի ներքաղաքական կայունությունը չեն։ Այս հարցում նրա գնահատականներն ու հորդորները ոչ թե հանդարտեցնող, այլ սադրիչ բնույթ ունեն։ Չնայած, չի կարելի նաև բացառել, որ Տեր-Պետրոսյանի հոդվածը կարող է և իսկապես սթափեցնել փողոց դուրս եկած արցախցիներին։ Եթե իհարկե նրանք հիշեն, թե ինչի համար էր 93թ.-ին ՀՀ առաջին նախագահը եկել Ստեփանակերտ։ Թերևս այդժամ Լևոն Տեր-Պետրոսյանի կեղծ մտահոգությունները կարող են իրական արդյունք տալ։ Իսկ թե չհիշեն էլ, կրկին հոգ չէ. Արցախի նախագահ Բակո Սահակյանն արդեն լուծում է տվել խնդրին։ Ի դեպ, առանց «չեզոք կողմի ակտիվ միջամտության»։

Հրանտ ՄԵԼԻՔ-ՇԱՀՆԱԶԱՐՅԱՆ

Լրահոս
Արցախի գումարտակներից մեկը ծառայությունը կկազմակերպի ժամանակակից պայմաններով կառույցում Զոհրաբ Մնացականանը ՄԹ պետնախարարին ներկայացրեց ԼՂ հակամարտության կարգավորման ուղղությամբ Հայաաստանի մոտեցումները «Հրապարակ». Կահույքի բիզնեսով զբաղվող ընկերությունը շահել է դիալիզի բուժսպասարկման մրցույթը «Հրապարակ». Վաղեմության ժամկետը լրացել է և Վանոն կվերադառնա Հայաստան «Ժամանակ». Ինչ նպատակով է Աննա Հակոբյանը իր գրասնեյակը տեղափոխել է կառավարության շենք «Ժողովուրդ». ՀՀ պետական պարտքն ավելացել է «Հրապարակ». ԱԺ նախագահը իր վարորդ ընկերոջն էլ աշխատանքի տեղավորեց խորհրդարանում ՀՔԾ-ն ավարտել է քրեական գործերի նախաքննությունը Արարատյան Հայրապետական թեմը Սուրբ Սարգսի տոնին անցկացնելու է հետաքրքիր միջոցառումներ Վարչապետը և Հայաստանում Շվեյցարիայի դեսպանը քննարկել են համագործակցության զարգացման հարցեր Հայաստանը և Լատվիան կարող են միմյանց օգնել և միմյանցից սովորել Զոհրաբ Մնացականյանն ու Յոհաննես Հանը քննարկել են Հայաստան-Եվրոպական Միություն համաձայնագրի կիրարկումը 2019-ին պետբյուջեից որպես աջակցություն սահմանամերձ համայնքներին հատկացվել է ավելի քան 928 մլն դրամ Հայաստանի Զինված ուժերը համալրվել են հայրենական ԱՐՄԻ-55Մ անօդաչու թռչող սարքերով Կառավարությունը բացասական եզրակացություն տվեց Էդմոն Մարուքյանի օրենսդրական նախաձեռնությանը Կառավարությունը չի առարկում, որ ուսանողներն ուսման վարձը վճարեն ամսական կտրվածքով Եկեղեցու դեմ անհասկանալի ուժերի պայքարն ահագնանում է Ներում ստանալու համար դիմել է 250 դատապարտյալ. Ովքեր են ներում ստացած դատապարտյալները Երևանի տրանսպորտային ցանցը հաջորդ տարվանից կազատվի միրոավտոբուսների կեսից Մեկնարկում է երկու և ավելի անչափահաս երեխա ունեցող ուսանողների փաստաթղթերի ընդունելությունը ուսման վարձի զեղչի նպատակով Արարատ Միրզոյանն ու Հայաստանում Գերմանիայի դեսպանը քննարկել են երկկողմ համագործակցության օրակարգը «Երևանի ավտոբուս» ՓԲԸ-ն 70 նոր ավտոբուս կշահագործի Դիլիջանի ոլորանները և Վարդենյաց լեռնանցքը կցորդիչով տրանսպորտային միջոցների համար դժվարանցանելի են Սաթիկ Սեյրանյան. Այս պայմաններում մամուլի ու լրագրողների համար չափազանց դժվար է աշխատելը Մի շարք ոլորտներում նշանակալի ներդրում ունեցած անձինք կազատվեն պարտադիր զինվորական ծառայությունից Ահաբեկչություն՝ Հնդկաստանում Հալեպում և Համայում գրոհայինները կրակել են բնակավայրերի ուղղությամբ ՀՀ ԱԺ մշտական հանձնաժողովում ընդունել են ՌԴ ԴԺ Պետական դումայի պատվիրակությանը Լեռնային Ղարաբաղի հակամարտությունը կարող է շատ վտանգավոր լինել, եթե ճիշտ չկառավարվի. ՀՀ նախագահ Ամենայն Հայոց Կաթողիկոսը ցավակցագիր է հղել Իրանի նախագահին Ժաննա Անդրեասյանը նշանակվել է Աշխատանքի և սոցիալական հարցերի նախարարի տեղակալ Արման Թաթոյան. «Բրյուսելում ձեռք բերեցինք համատեղ աշխատանքի լրացուցիչ պայմանավորվածություններ» Սեյրան Օհանյան. «0038 հրամանը դնել մարտիմեկյան ողբերգության հիմքում ծայրահեղական մոտեցում է» Զախարովան պատասխանել է Բոլթոնի սպառնալիքներին Արցախի նախագահն ու ՀՀ անվտանգության խորհրդի քարտուղարը քննարկել են անվտանգության ոլորտում փոխգործակցությանը վերաբերող հարցեր Կառավարությունը կգործարկի մսի և կենդանի գլխաքանակի արտահանման մեխանիզմներ. առկա է ամսական 50 հազար գլուխ գառ արտահանելու ներուժ Հատուկ հանձնարարությունների գծով Արցախի նախագահի ներկայացուցիչ է նշանակվել Մակրոնը հայտնել է Հայաստան պետական այցով ժամանելու մտադրության մասին Նիկոլ Փաշինյանը 15 կետով ներկայացրեց տնտեսական հեղափոխությանը միտված քայլերը ՀՀԿ ԳՄ նիստը վարել է Սերժ Սարգսյանը
Խմբագրի ընտրություն
website by Sargssyan