AM | RU
USD
EUR
RUB

Արցախից տեղահանվածները Փախստականների միջազգային օրն անցկացրել են Հայաստանի մշակութային վայրեր այցելությամբ

 
 

ԵՐԵՎԱՆ, 20 ՀՈՒՆԻՍԻ, Times.am: Տեղահանվածների ինտեգրման նպատակով Փախստականների միջազգային օրն ապրիլյան պատերազմից հետո Թալիշից և Մատաղիսից տեղահանվածներն անցկացրին ՅՈՒՆԵՍԿՕ-ի համաշխարհային ժառանգության ցանկում ընդգրկված վայրեր այցելություններով: Այցի ընթացքում տեղահանված ընտանիքների երեխաները տեղացի երեխաների հետ նաև միջոցառում կազմակերպեցին՝ փախստականների խնդիրների վերաբերյալ իրազեկվածության բարձրացման նպատակով:

Այցը կազմակերպել էր «Առաքելություն Հայաստան» բարեգործական ՀԿ-ն ՝Հայաստանում ՄԱԿ-ի փախստականների հարցերով գերագույն հանձնակատարի գրասենյակի աջակցությամբ:

«Այս տարի Փախստականների միջազգային օրը խորհրդանշական է: ՄԱԿ-ի ՓԳՀ-ն իրականացնում է ակցիա, որով ուզում է գրավել ավելի շատ դոնորների նրանց աջակցելու համար: Գրասենյակն իր աշխատանքը նվիրում է փախստականներին՝սկսած հրատապ օգնությունից մինչ նմանատիպ մշակութային այցեր»,-ասաց ՄԱԿ-ի փախստականների հարցերով գերագույն հանձնակատարի հայաստանյան գրասենյակի արտաքին կապերի համակարգող Անահիտ Հայրապետյանը:

Հրատապ օգնության ծրագրերով ուշադրությունն առավել շատ սևեռում են նոր փախստականների վրա, ովքեր բնակարանային և առողջապահական խնդիրներ ունեն: Փախստականների մեծ հոսք է եղել Ադրբեջանից, ներկայում Իրաքից, Սիրիայից: Ապրիլյան պատերազմից հետո Արցախի Թալիշ և Մատաղիս գյուղերից եկել են 2000-2500 տեղահանված մարդիկ, թեև նրանցից ոմանք հետ են վերադարձել: Գրասենյակը տեղահանված անձանց տրամադրում է ինչպես բնակարանային վարձի փոխհատուցում, այնպես էլ հոգեբանական, սոցիալական աջակցություն: Բացի այդ տարբեր ծրագրերի շրջանակում օգնում են ձեռք բերել որոշակի հմտություններ՝ վարսահարդարի, դիմահարդարի և այլն, և գումար վաստակել:

ՅՈՒՆԵՍԿՕ-ի համաշխարհային ժառանգության ցանկում ընդգրկված վայրեր այցելության էին եկել հիմնականում տեղահանված թալիշցիներ, ովքեր մեծ մասամբ բնակություն են հաստատել Չարենցավանում, Արարատի մարզի տարբեր գյուղերում և քաղաքներում: Նրանք այցելեցին Էջմիածնի Մայր տաճար, Զվարթնոցի տաճար, Սուրբ Հռիփսիմե և Սուրբ Գայանե եկեղեցիներ: Շրջայց եղավ նաև «Հայ միասնության խաչ» բարեգործական-մշակութային հասարակական կազմակերպություն, որտեղ տեղահանված երեխաներն իրենց ձեռքով գաթա թխեցին: Երեխաներն այնտեղ հանդես եկան նաև երաժշտական համարով, որը պատրաստել էին «Փախստականների ինտեգրում կրթության միջոցով» համայնքների մոբիլիզացիայի ծրագրի շրջանակում: ՄԱԿ-ն այդ ծրագրի իրականացման համար Չարենցավանում վերանորոգվել և կահավորվել է տեղի դպրոցի կողմից հատկացված դասասենյակ, տրամարդել է համակարգիչներ և այլ սարքավորումներ: Իսկ երեխաների, նաև մեծահասակների հետ կամավորությամբ և մեծ սիրով աշխատում է Անահիտ Միրզոյանը:

Ապրիլյան քառօրյայի օրերին Թալիշից տեղահանված ու Արարատ քաղաքում հաստատված Գոհար Ղալափյանը ճանաչողական այցին եկել էր երեք որդիների հետ: ՄԱԿ-ի փախստականների հարցերով գերագույն հանձնակատարի հայաստանյան գրասենյակի և«Առաքելություն Հայաստան»-ի հետ նման էքսկուսիայի մասնակցում են արդեն երկրորդ անգամ: «Այսպիսի միջոցառումներ են կազմակերպում մեզ համար: Երբ իմացա, խնդրեցի, որ մեզ էլ ընդգրկեն: Մեծ սիրով ընդգրկեցին: Նախորդ տարի աշնանը գնացել էինք Դիլիջան: Շատ հետաքրքիր էր: Նման այցերի շնորհիվ երեխաները շփվում են մյուսների հետ, ինտեգրվում»,-ասաց Գոհարը:

Իզաբելլան, ով կյանքի բերումով արդեն երկրորդ անգամ է փախստական դարձել, նշեց՝ այցի ընթացքում ոտք դրած ամեն եկեղեցում խնդրել է, որ այլևս փախստականներ չլինեն:

Տեղահանվածներին աջակցելու հարցում ֆինանսական մեծ աջակցություն է տրամադրում ՄԱԿ-ի ՓԳՀ-ն, իսկ «Առաքելություն Հայաստան» բարեգործական հասարակական կազմակերպությունն ապահովում է ծրագրերի իրականացումը: Կազմակերպությունը տրամադրում է նաև տեղահանված ընտանիքների տան վարձերը: Կազմակերպության սոցիալական աշխատողները և հոգեբանները ևս մեծ աշխատանք են կատարում ինչպես Չարենցավանում, այնպես էլ Հրազդանում, Գեղարքունիքի մարզում: «Առաքելություն Հայաստան»-ի սոցիալական աշխատող Մագդա Խչոյանն առանձնացրեց փախստականների և տեղահանվածների աշխատատեղի խնդիրը: «Չարենցավանում են շատերն ապրում, իսկ այնտեղ աշխատատեղեր շատ չկան: Ստիպված գալիս են Երևան: Երբեմն նաև փաստաթղթային խնդիրներ են լինում: Գնահատում ենք կարիքն ու աշխատում ենք մեղմել բոլոր խնդիրները»,-եզրափակեց նա:

 

Լրահոս
ՀՔԾ-ն ավարտել է քրեական գործերի նախաքննությունը Արարատյան Հայրապետական թեմը Սուրբ Սարգսի տոնին անցկացնելու է հետաքրքիր միջոցառումներ Վարչապետը և Հայաստանում Շվեյցարիայի դեսպանը քննարկել են համագործակցության զարգացման հարցեր Հայաստանը և Լատվիան կարող են միմյանց օգնել և միմյանցից սովորել Զոհրաբ Մնացականյանն ու Յոհաննես Հանը քննարկել են Հայաստան-Եվրոպական Միություն համաձայնագրի կիրարկումը 2019-ին պետբյուջեից որպես աջակցություն սահմանամերձ համայնքներին հատկացվել է ավելի քան 928 մլն դրամ Հայաստանի Զինված ուժերը համալրվել են հայրենական ԱՐՄԻ-55Մ անօդաչու թռչող սարքերով Կառավարությունը բացասական եզրակացություն տվեց Էդմոն Մարուքյանի օրենսդրական նախաձեռնությանը Կառավարությունը չի առարկում, որ ուսանողներն ուսման վարձը վճարեն ամսական կտրվածքով Եկեղեցու դեմ անհասկանալի ուժերի պայքարն ահագնանում է Ներում ստանալու համար դիմել է 250 դատապարտյալ. Ովքեր են ներում ստացած դատապարտյալները Երևանի տրանսպորտային ցանցը հաջորդ տարվանից կազատվի միրոավտոբուսների կեսից Մեկնարկում է երկու և ավելի անչափահաս երեխա ունեցող ուսանողների փաստաթղթերի ընդունելությունը ուսման վարձի զեղչի նպատակով Արարատ Միրզոյանն ու Հայաստանում Գերմանիայի դեսպանը քննարկել են երկկողմ համագործակցության օրակարգը «Երևանի ավտոբուս» ՓԲԸ-ն 70 նոր ավտոբուս կշահագործի Դիլիջանի ոլորանները և Վարդենյաց լեռնանցքը կցորդիչով տրանսպորտային միջոցների համար դժվարանցանելի են Սաթիկ Սեյրանյան. Այս պայմաններում մամուլի ու լրագրողների համար չափազանց դժվար է աշխատելը Մի շարք ոլորտներում նշանակալի ներդրում ունեցած անձինք կազատվեն պարտադիր զինվորական ծառայությունից Ահաբեկչություն՝ Հնդկաստանում Հալեպում և Համայում գրոհայինները կրակել են բնակավայրերի ուղղությամբ ՀՀ ԱԺ մշտական հանձնաժողովում ընդունել են ՌԴ ԴԺ Պետական դումայի պատվիրակությանը Լեռնային Ղարաբաղի հակամարտությունը կարող է շատ վտանգավոր լինել, եթե ճիշտ չկառավարվի. ՀՀ նախագահ Ամենայն Հայոց Կաթողիկոսը ցավակցագիր է հղել Իրանի նախագահին Ժաննա Անդրեասյանը նշանակվել է Աշխատանքի և սոցիալական հարցերի նախարարի տեղակալ Արման Թաթոյան. «Բրյուսելում ձեռք բերեցինք համատեղ աշխատանքի լրացուցիչ պայմանավորվածություններ» Սեյրան Օհանյան. «0038 հրամանը դնել մարտիմեկյան ողբերգության հիմքում ծայրահեղական մոտեցում է» Զախարովան պատասխանել է Բոլթոնի սպառնալիքներին Արցախի նախագահն ու ՀՀ անվտանգության խորհրդի քարտուղարը քննարկել են անվտանգության ոլորտում փոխգործակցությանը վերաբերող հարցեր Կառավարությունը կգործարկի մսի և կենդանի գլխաքանակի արտահանման մեխանիզմներ. առկա է ամսական 50 հազար գլուխ գառ արտահանելու ներուժ Հատուկ հանձնարարությունների գծով Արցախի նախագահի ներկայացուցիչ է նշանակվել Մակրոնը հայտնել է Հայաստան պետական այցով ժամանելու մտադրության մասին Նիկոլ Փաշինյանը 15 կետով ներկայացրեց տնտեսական հեղափոխությանը միտված քայլերը ՀՀԿ ԳՄ նիստը վարել է Սերժ Սարգսյանը Հանրապետության մի շարք ավտոճանապարհներին ձյուն է տեղում, որոշ տեղերում առկա մառախուղ «Հրապարակ». ԵԿՄ-ն պատրաստվում է համագումարին «Փաստ». Առաջիկայում ՄԻԵԴ-ում նորանոր գործեր կլսվեն «ընդդեմ Հայաստանի» «Հրապարակ». Դա ի՞նչ է՝ «նեպրիյա՞զն» Եվրոպայի նկատմամբ «Իրատես». Ի՞նչ «նախապատմություն» է ունեցել Լևոն Տեր-Պետրոսյանի հարցաքննությունը «Հրապարակ». Ինչ են բացատրել պատգամավորներին ԱԺ նիստի առաջին ընդմիջման ընթացքում «Ժամանակ». Lրացուցիչ հարկային պարտավորություն՝ Ծառուկյանի գազալցակայաններին
Խմբագրի ընտրություն
website by Sargssyan