Հայերը զարթնում են, դրա վկայությունն է Գյումրին, Փարաքարը. Խաչիկ Մանուկյան

Լրագրողներ հետ զրույցում Վաղարշապատ խոշորացված համայնքի ավագանու ընտրությունների «Հայրենիք» կուսակցության քաղաքապետի թեկնածու Խաչիկ Մանուկյանը, ամփոփելով Էջմիածնի ավագանու ընտրությունների քարոզարշավը, նշել է, որ հայերը զարթնում են, դրա վկայությունն է Գյումրին, Փարաքարը։

«Ես չեմ ուզում նոր փորձությունների գնան մարդիկ, բայց սա իմ համայնքի բնակիչների փորձությունն է, իմ փորձությունը չէ։ Եթե նրանք ուզում են ինքնիշխանություն, ազատ երկրի քաղաքացի լինելու կերպարն ունենալ, կկանգնեն և միասին  50+1, 100+1 տոկոս կունենանք, մնացած պարագաներում  տեխնիկական հարցեր են։ Այո՛, միանալու են բոլոր այն ուժերը, որոնք  հային հայ պահող արժեքներն են վեր հանում, թույլ չեն տալու հայոց եկեղեցու վրա հարձակումներ»,- ընդգծել է Մանուկյանը։

Հիշեցնենք, որ նոյեմբերի 16-ին Արմավիրի մարզի Վաղարշապատ խոշորացված համայնքում համամասնական ընտրակարգով ավագանու ընտրություններ են տեղի ունենալու։ Ընտրություններին մասնակցում է 8 քաղաքական ուժ, այդ թվում՝ «Հայրենիք» կուսակցությունը, որի Վաղարշապատի քաղաքապետի թեկնածուն Խաչիկ Մանուկյանն է։

Հետևեք մեզ նաև Telegram-ում