Մորատա. Երազանքս իրականություն է դարձել

«Յուվենտուսի» և Իսպանիայի հավաքականի հարձակվող Ալվարո Մորատան Եվրո-2016-ի ընտրական փուլի` Բելառուսի հետ խաղում 3:0 հաշվով տոնած հաղթանակից հետո հույս է հայտնել, որ ազգային ընտրանու կազմում իր տեղն ամրապնդելու հնարավորություն կունենա:

-Մեզ համար շատ կարևոր հաղթանակ էր: Գուցե կարող էինք հաղթել ավելի խոշոր հաշվով, սակայն կարևորը հենց հաղթանակն է: Անչափ երջանիկ եմ հավաքականում նորամուտս նշելու կապակցությամբ. սա երազանքի իրականացում է:

Շատ շնորհակալ ենք երկրպագուներին հիանալի աջակցության համար: Մթնոլորտը պարզապես հրաշալի էր: Շնորհակալ ենք բոլոր նրանց, ովքեր եկել էին մարզադաշտ: Ես հույս ունեմ` կամրապնդեմ տեղս հավաքականում: Երբ պետք լինեմ հավաքականին, պատրաստ կլինեմ 100%,-Մորատայի խոսքը մեջբերված է ՈւԵՖԱ-ի պաշտոնական կայքից: