Թուրքիայում գործազրկության մակարդակն ընթացիկ տարվա օգոստոսին, անցած ամիսների համեմատ, 77 հազար մարդով (10,1 տոկոսով) ավելացել եւ հասել է 2,94 մլն մարդու: Այս մասին, ինչպես հաղորդում է «Արմենպրես»-ը, հայտնում են թուրքական ԶԼՄ-ները` հղում կատարելով երկրի պետական վիճակագրության ծառայությանը:
Թուրքիայի վիճակագրության գործակալությունը օգոստոսին գործազրկության 10,1 տոկոս աճը պայմանավորել է երկրում տնտեսական աճի տեմպի դանդաղման հետ:
Նրա տվյալներով` տղամարդկանց մեջ գործազրկության մակարդակը կազմել է 8,9 տոկոս, կանանց մեջ` 12,7 տոկոս, երիտասարդության մեջ` 18,9 տոկոս: Տարվա սկզբից Թուրքիայում գործազրկության մակարդակն աճել է 4 տոկոսով` հասնելով 2010 թվականի հոկտեմբերին տեղի ունեցած ամենամեծ մակարդակին:
Թուրքիայի աշխատունակ բնակչության 22,1 տոկոսն աշխատում է գյուղատնտեսության, 20 տոկոսը` արդյունաբերության, 7,5 տոկոսը` շինարարության եւ 20,5 տոկոսը` ծառայությունների ոլորտներում:
