Մյունխենի «Բավարիայի» գործադիր տնօրեն Կարլ-Հայնց Ռումենիգեն հայտարարել է, որ ցանկանում է` գլխավոր մարզիչ Խոսեպ Գվարդիոլան երկար տարիներ աշխատի գերմանական ակումբում:
«Գվարդիոլան օրհնություն է «Բավարիայի» համար: Ես ամեն ինչ կանեմ, որ նման հիանալի մարդը և մարզիչը Մյունխենում մնա երկար տարիներ: Նա չի սիրում նախապես երկարաձգել պայմանագիրը, բայց ես արդեն հասկացրել եմ, որ մենք պատրաստ ենք: Ես նրան շատ բարձր եմ գնահատում: Այժմ Գվարդիոլան գուցե «Բավարիայի» ամենակարևոր մասն է»,-ասել է Ռումենիգեն:
