Վենգեր. Երևի ես հանճար եմ ու հաջողությամբ թաքցրել եմ դա

Լոնդոնի «Արսենալի» գլխավոր մարզիչ Արսեն Վենգերը պատասխանել է երկրպագուների կողմից իր հասցեին հնչեցվող քննադատություններին։

-Ես որպես բարձր մակարդակի մարզիչ եմ սկսել աշխատել 1983 թվականից, և եթե ես ոչ մի պատկերացում չունեմտակտիկայի մասին, ուրեմն նշանակում է՝ ես հանճար եմ, չնայած այսքան ժամանակ դա շատ լավ թաքցրել եմ։

Ինձ համար գոյություն չունի «Պլան Բ» հասկացությունը։ Սիրում եմ իմ աշխատանքն ու այն անկեղծ ու ջանասիրաբար եմ կատարում։

«Արսենալը» հրաշալի հաստատուն խաղ է ցուցադրում, դա այն է, ինչին պետք է ձգտել։ Մենք 15 տարի շարունակ դուրս ենք եկել Չեմպիոնների լիգայի փլեյ-օֆֆ։ Մատնացույց արեք ինձ թեկուզ մեկ այդպիսի թիմ. այն գոյություն չունի,-ասել է Վենգերը, ում թիմի երկրպագուները «Վեսթ Բրոմվիչի» դեմ արտագնա խաղում (1:0) պաստառ էին պարզել «Արսեն, շնորհակալություն հիշողությունների համար, բայց եկել է հրաժեշտի ժամանակը» գրությամբ։