Դոնալդ Թրամփը Իսրայելի քաղաքացիներին կոչ է արել քվեարկել Բինյամին Նեթանյահուի օգտին

ԱՄՆ նախագահ Դոնալդ Թրամփը դիմել է Իսրայելի քաղաքացիներին՝ կոչ անելով առաջիկա ընտրություններում քվեարկել գործող վարչապետ Բինյամին Նեթանյահուի օգտին։ Truth Social սոցիալական ցանցում արված հայտարարության մեջ ամերիկյան առաջնորդը բարձր է գնահատել Նեթանյահուի գործունեությունը և Վաշինգտոնի ու Թել Ավիվի միջև ռազմավարական համագործակցությունը:

Թրամփը նշել է, որ իրենց համատեղ աշխատանքը թույլ է տվել տպավորիչ արդյունքներ գրանցել ռազմական ոլորտում։ Նա ընդգծել է Իրանի դեմ իրականացված «Midnight Hammer» («Полуночный молот») և «Epic Fury» («Эпическая ярость») ռազմագործողությունները՝ պնդելով, որ դրանց շնորհիվ կանխվել է Իրանի կողմից միջուկային զենքի ձեռքբերումը, իսկ հակառակորդը զրկվել է ռազմաօդային ու ռազմածովային ուժերից և քաղաքական ու ռազմական ղեկավարության երկու օղակներից։

«Երբ գնաք ընտրական տեղամասեր, հիշեք, որ Բիբին պատերազմական շրջանի ականավոր վարչապետ է եղել»,- գրել է ԱՄՆ նախագահը՝ հավելելով, որ երկու երկրների թշնամիներն այլևս չեն կարողանա սպառնալ Ամերիկային ու Իսրայելին։ Նա կոչ է արել աջակցել Նեթանյահուին՝ սկսած գործընթացները լիովին ավարտին հասցնելու համար։

Հետևեք մեզ նաև Telegram-ում