ՍԱԾ հատուկջոկատայինները տնից տեղափոխել են «Ուժեղ Հայաստան»-ի առաջնորդ Սամվել Կարապետյանին

Ազգային անվտանգության ծառայության հատուկջոկատայինները «Ուժեղ Հայաստան» կուսակցության առաջնորդ Սամվել Կարապետյանին տեղափոխել են իր բնակարանից։ Գործողության ընթացքում տան մոտ հավաքված են եղել նրա աջակիցներն ու քաղաքական ուժի ներկայացուցիչները, որոնք ընդդիմադիր գործչին ճանապարհել են ծափահարություններով։

Ազգային ժողովի «Ուժեղ Հայաստան» խմբակցության ղեկավար Նարեկ Կարապետյանը հայտնել է, որ Սամվել Կարապետյանին տնից հեռացրել են ետնամուտքով՝ չհստակեցնելով, թե ուղղակիորեն ուր են տանում նրան։ Խմբակցության ղեկավարի խոսքով՝ իրենք այժմ փորձում են պարզել Սամվել Կարապետյանի գտնվելու ճշգրիտ վայրը։

Հետևեք մեզ նաև Telegram-ում