«Ժառանգություն» կուսակցության գլխավոր քարտուղար Ստեփան Սաֆարյանը կառաջադրվի թիվ 1 ընտրատարածքում:
«Այո՛, ես արդեն կարող եմ ավելի հաստատ ասել, որ առաջադրվելու եմ»։ Այս մասին քաղաքական գործիչն ասել է Lurer.com-ի հետ զրույցում։
Ավան համայնքը և Նոր Նորք համայնքի որոշ թաղամասեր ընդգրկող այս ընտրատարածքից ընտրված պատգամավոր Ռուբեն Հայրապետյանը «Հարսնաքար» ռեստորանային համալիրում ողբերգական հետևանքներ ունեցած միջադեպից հետո հրաժարականի դիմում էր ներկայացրել: Այսօր, սեպտեմբերի 28-ը, վերջին օրն էր, որ Հայրապետյանը կարող էր դիմումը հետ վերցնել: Վերջինս դա չի արել եւ ԱԺ-ի նախագահ Հովիկ Աբրահամյանը ստորագրել է նրա պատգամավորական լիազորությունները վաղաժամկետ դադարեցնելու մասին արձանագրությունը։
Թիվ 1 ընտրատարածքում 80-օրյա ժամկետում պետք է անցկացվեն պատգամավորի նոր ընտրություններ:
