Իտալիայում Էրդողանի որդին մեղադրվում է «փողերի լվացման» մեջ

Իտալիայի Բոլոնիա քաղաքում բնակվող Թուրքիայի նախագահ Ռեջեփ Թայիփ Էրդողանի որդի` Բիլալ Էրդողանի դեմ  հետաքննություն է սկսվել:  Նա մեղադրվում է «փողերի լվացման» մեջ:

Ինչպես հաղորդում է Ermenihaber.am-ը, թուրքական «yeniasya» լրատվակայքը տեղեկացրել է, որ  Բիլալ Էրդողանի դեմ հետաքննություն է սկսվել Ֆրանսիայում բնակվող  գործարար Հաքան Ուզանի ներկայացրած բողոքի հիման վրա: Բողոքն ընդունվել է: Գործով զբաղվում է Բոլոնիայի դատախազ Մանուելլա Կավալլոն:

Նշվում է, որ Թուրքիայի նախագահի որդին ուսանում է Բոլոնիայի «Johns Hopkins» համալսարանում և նախապատրաստում է իր ատենախոսությանը:Այս իրադարձությունը լայն արձագանք է գտել իտալական մամուլում: