Վանաձորի հարկային տարածքային տեսչության շենքի մոտ պայթյունի առնչությամբ քրեական գործ է հարուցվել
![Վանաձորի հարկային տարածքային տեսչության շենքի մոտ պայթյունի առնչությամբ քրեական գործ է հարուցվել](https://times.am/v3/wp-content/uploads/2016/06/96e44faaea566af7e97a79a18275b1a5.jpg)
Նմանատիպ
Վանաձորի հարկային տարածքային տեսչության շենքի մոտ պայթյունի մասին ահազանգ է ստացվել 2016 թվականի հունիսի 04-ին` ժամը 00:40–ի սահմաններում։ Այս մասին տեղեկացրին ՀՀ քննչական կոմիտեի դեպարտամենտի տեղեկատվության և հասարակայնության հետ կապերի բաժին:
Անմիջապես դեպքի վայր է մեկնել քննչական-օպերատիվ խումբը՝ ՀՀ քննչական կոմիտեի Լոռու մարզային քննչական վարչության պետ Թ.Շուշանյանի գլխավորությամբ։
Նախնական տվյալներով՝ պայթուցիկ սարք է տեղադրվել Վանաձոր քաղաքի Վարդանանց 11 հասցեում գտնվող Վանաձորի հարկային տարածքային տեսչության շենքի աստիճանահարթակում գտնվող աղբամանի մեջ, որտեղ առաջացած պայթունից վնասվել են շենքի մուտքի դռան ապակիները և աստիճանահարթակի ծածկը` պատճառելով զգալի չափերի վնաս:
Դեպքի առթիվ 2016 թվականի հունիսի 04-ին ՀՀ քննչական կոմիտեի Լոռու մարզային քննչական վարչությունում հարուցվել է քրեական գործ` ՀՀ քրեական օրենսգրքի 185-րդ հոդվածի 2-րդ մասի 1-ին կետի հատկանիշներով:
Կատարվել է դեպքի վայրի զննություն, քրեական գործով էական նշանակություն ունեցող հանգամանքները պարզելու համար նշանակվել են մի շարք փորձաքննություններ։
Հետևեք մեզ նաև Telegram-ում