Գերմանիայի հավաքականի նախկին ֆուտբոլիստ Միխայել Բալակը կարծում է, որ ժամանակն է՝ Բաստիան Շվայնշտայգերն ավարտի միջազգային կարիերան։
-Ես չգիտեմ՝ պատրաստվո՞ւմ է Բաստիանը մասնակցել 2018 թվականի Աշխարհի առաջնությանը, թե՞ ոչ, բայց նրան խորհուրդ կտայի որոշում կայացնելուց առաջ լավ մտածել։ Եթե Բաստիանը որոշի մասնակցել՝ չունենալով անհրաժեշտ մակարդակ, երիտասարդ ֆուտբոլիստների մոտ կարող են հարցեր առաջանալ։
Շվայնշտայգերը հաղթել է Մունդիալ-2014-ում և հավաքականի հաջողություններում իր ներդրումն է ունեցել։ Այժմ նա կարող է գլուխը բարձր պահած հեռանալ։ Հիմա դրա համար համապատասխան պահն է,-Բալակի խոսքը մեջբերված է «TZ»-ից։
