«Ժողովուրդ»-ի’ Հանրապետական կուսակցությանը մոտ կանգնած աղբյուրներից հայտնի է դարձել, որ ՀՀԿ-ում ցանկանում են ընդդիմության առաջարկով ստեղծվելիք մարտի 1-ի դեպքերն ուսումնասիրող Աժ ժամանակավոր հանձնաժողովի կազմում ՀՀԿ-ից գործուղել պատգամավոր Սամվել Նիկոյանին:
Սակայն ՀՀԿ մամլո խոսնակ Էդուարդ Շարմազանովը թերթի հետ զրույցում ասել է, թե իրենք դեռ չեն որոշել’ ով է անդամակցելու հանձնաժողովին:
«Ժողովուրդը» հիշեցնում է, որ Նիկոյանը տարիներ առաջ ղեկավարել է նման մեկ այլ ժամանակավոր հանձնաժողով և փառահեղ կերպով տապալել դրա աշխատանքները’ իշխանությունների հանցանքներն արդարացնող լղոզված մի եզրակացություն ներկայացնելով:
