2017 թվականի վիճակագրական թվեր, որոնք չափանիշ են դառնալու
Նմանատիպ
2017-ը պատմություն է։ Նրանց, ովքեր կարևորում են առանձին փաստերը, կհետաքրքրի, թե ինչ կարևոր դրվագներ արժե հիշել նախորդ տարվա ֆուտբոլային անցուդարձից:
0 – Դարպասին հարված չի կատարվել տարվա ամենաֆանտաստիկ՝ «Լացիո» – «Նիցա» խաղի ժամանակ: Եվրոպա լիգայի պատմության առաջին խաղն էր, որտեղ դարպասապահներն առհասարակ որևէ հարված կասեցնելու հնարավորություն չեն ունեցել: Հանդիպումն այդուհանդերձ, ավարտվել է «Լացիոյի» հաղթանակով (1:0, ինքնագոլ):
2 առանցքային վիճակագրություն առնչվող Մադրիդի «Ռեալին»։ 2017-ին «Ռեալը» դարձավ պատմության առաջին թիմը, որին հաջողվեց երկու անգամ անընդմեջ դառնալ Չեմպիոնների լիգայի գավաթակիր։ Երկու անգամ անընդմեջ էլ Զինեդին Զիդանի թիմը սեփական հարկի տակ պարտվեց «Բարսելոնային»: 2:3 հաշվով թիմերը բաժանվեցին գարնանը, ապա 0:3 հաշիվը գրանցվեց դեկտեմբերին: «Ռեալի» պատմության մեջ Զիդանը միակ մարզիչն է, որ երկու անգամ անընդմեջ պարտվել է տնային Կլասիկոյում։
5 խաղ անընդմեջ 0:0 հաշվով է դաշտից հեռացել ռուսական «Ռոստովը» մարտ-ապրիլ ամիսներին: Մրցակիցներն էին «Թերեկը», «Կռիլիան», «Կրասնոդարը», «Լոկոմոտիվը» և ԲԿՄԱ-ն:
11-մետրանոց հարվածներ իրենց դարպասին օրացուցային տարում ստացել են թոփ-5 առաջնությունների բոլոր թիմերը, բացի մեկից։ «Բարսելոնան» է բացառություն դարձել․․․
14 սեյվ մեկ խաղում կատարել է «Մանչեսթեր Յունայթեդի» դարպասապահ Դավիդ դե Խեան: «Արսենալի» հետ հանդիպման ժամանակ նա կրկնել է Անգլիայի Պրեմիեր լիգայի ռեկորդը, որ գրանցել էին Թիմ Կրուլը և Վիտո Մանոնեն:
17 բաց թողած գնդակ ու 0 խփած գնդակ 7 տուրից հետո։ Այս հակառեկորդը գրանցվել է Պրեմիեր լիգայում և պատկանում է «Քրիստալ Փելասին»: Հիմա թիմն աստիճանաբար փորձում է հետ բերել օգոստոս-սեպտեմբեր ամիսներին բաց թողածը։
21 գնդակ 2017-18թթ․ մրցաշրջանի ընթացքում խփել են «Չելսիի» իսպանացի ֆուտբոլիստներ Ասպիլիկուետան, Ալոնսոն, Ֆաբրեգասը, Մորատան ու Պեդրոն: Դասական ցուցանիշ Լա լիգայի ամուր թիմերի, բայց ոչ Պրեմիեր լիգայի ֆուտբոլիստների համար: Լա լիգայում ոչ մի թիմի իսպանացիներ այդքան գոլ չեն խփել, որքան «Չելսիի» խաղացողները: 20 գնդակով նրանց ամենամոտը «Ռեալ Սոսյեդադն» է։
48 հեռահար փոխանցում մրցակցի տուգանային կատարել է «Ինտերը» «Սասուոլոյի» դեմ խաղում:
56 գոլ օրացուցային մեկ տարում խփել է Հարի Քեյնը: Ժամանակակից լավագույն հարձակվողի կոչմանն արժանանալու ճանապարհին Քեյնը մի շարք ռեկորդներ է գրանցել: Գերազանցել է Պրեմիեր լիգայում օրացուցային տարում խփած գոլերի Ալան Շիրերի ռեկորդը (53): 6 հեթ-տրիկ է հեղինակել մեկ տարում. սա ևս լավագույն ցուցանիշն է ԱՊԼ-ում: Տարվա արդյունքներով նա առաջ է անցել Լիոնել Մեսսիից (54):
56 միավոր է հավաքել «Նապոլին» Ա Սերիայի 20 արտագնա խաղերում, այսինքն՝ 60 հնարավորից: Սարիի թիմին կանգեցրել են միայն «Կիևոն» և «Սասուոլոն»։
60% խաղերում Կոնֆեդերացիաների գավաթի ընթացքում հաղթել է այն թիմը, որը լավագույնս է կատարել սրող փոխանցումները:
102 գնդակ օրացուցային մեկ տարում Անգլայի Պրեմիեր լիգայում խփել է «Մանչեսթեր Սիթին»: Սա Անգլիայի առաջնության պատմության լավագույն արդյունքն է: Նախորդ ռեկորդը պատկանում էր «Մանչեսթեր Յունայթեդին». Ֆերգյուսոնի թիմը 2000-ին 95 գոլ էր խփել:
811 խաղին տարվա վերջին օրը հասավ Արսեն Վենգերը: «Արսենալի» մարզիչը հիմա ռեկորդակիր է ԱՊԼ-ում և առաջ է անցել 810 խաղ անցկացրած սըր Ալեքս Ֆերգյուսոնից:
Առաջարկում ենք ընթերցել նաև՝
Հետևեք մեզ նաև Telegram-ում