Իսպանիայի առաջնության 33-րդ տուրում «Ռեալը» սեփական հարկի տակ ընդունեց Բիլբաոյի «Ատլետիկին»: Արձանագրվեց ոչ-ոքի` 1:1:
14-րդ րոպեին բասկերը հաշվի մեջ առաջ անցան․ Ինյակի Ուիլյամսը խելացի հարվածով գրավեց Կեյլոր Նավասի դարպասը: Մադրիդցիները պարտությունից խուսափեցին 87-րդ րոպեին: Լուկա Մոդրիչի հարվածից հետո գնդակը հպվեց Կրիշտիանու Ռոնալդուին և հայտնվեց հյուրերի դարպասում:
Հատկանշական է, որ հանդիպման ընթացքում «սերուցքայինները» 16 անկյունային իրացրեցին ու 29 հարված կատարեցին:
Այդ խաղից հետո «Ռեալն» ունի 68 միավոր և շարունակում է զբաղեցնել երրորդ տեղը: «Ատլետիկը» 40 միավորով 13-րդ տեղում է:
