-1.9 C
Yerevan

Միքայել Մելքումյանը՝ ԵԽԽՎ-ում. Գործատուները պետք է քվոտաներով աշխատանքի տեղավորեն հաշմանդամներին

Նմանատիպ

Իրանական Իսֆահանում ուժեղ պայթյուն է տեղի ունեցել

Իրանական Իսֆահանում ուժեղ պայթյուն է տեղի ունեցել։ Ինչպես տեղեկացնում է...

Նոր լայնածավալ հարձակում Ուկրաինայում․միջազգային ամփոփ լրահոս

Տարածաշրջանային և միջազգային կարևոր զարգացումները Times.am-ի դիտակետից։ Ի՞նչ է...

Ադրբեջանն ամբողջությամբ անջատել է Արցախի գազամատակարարումը

Ադրբեջանն ամբողջությամբ անջատել է Հայաստանից Արցախ գազամատակարարումը: Դրանով պայմանավորված՝...

ԵՐԵՎԱՆ, 24 ՀՈՒՆՎԱՐԻ, Panorama.am: ԵԽԽՎ ձմեռային նստաշրջանի լիագումար նիստում Միքայել Մելքումյանը` Եվրոպական պահպանողականների խմբի անունից խոսել է աշխատանքային խտրականության ժամանակակից հիմնախնդիրների մասին:

Պատգամավորը նշել է, որ հաշմանդամություն ունեցեղ մեր համաքաղաքացիների խնդիրները մեր և մեր ամբողջ հասարակության խնդիրներն են: Այն երկրներում, որտեղ առավել ամբողջական են լուծվում նրանց խնդիրներն, այնտեղ էլ ավելի մեղմ են հասարակական և սոցիալական լարվածությունները, հասարակությունն ավելի առողջ է:

Ընդգծել է, որ իշխանությունները պետք է օրենքով սահմանված պարտավորություններ ստանձնեն հաշմանդամություն ունեցող անձանց սոցիալական, առողջապահական և աշխատանքային համարժեք պայմանների ապահովման համար:

«Հե՞շտ գործ է, արդյոք, դա, թե ոչ: Կարծում եմ հեշտ չէ, բայց անպայման դրանց լուծումները պետք է գտնել: Աշխարհի տարբեր երկրներում հաշմանդամություն ունեցող անձանց տեսակարար կշիռը կարող է տատանվել 6-7% -ից մինչև 14-15% կախված, թե ինչ մեթոդաբանությամբ և գործիքակազմով են գնահատում հաշմանդամությունը և կամ անձանց կարողությունների սահմանափակությունը:

Մեկ բան ակնհայտ է , որ այս ոլորտում ունենք երկու կարևորագույն կետերի արձանագրում. այն, որ հիմնական հաշմանդամություն ձեռք բերման պահին նախ պետությունն արագ արձագանքի, և երկրորդ ամեն ինչ անի, որպեսզի հաղթահարվի հաշմանդամությունը:

Ինչու, որովհետև նախ թանկ է յուրաքանչյուր քաղաքացու ճակատագիրը, և երկրորդ հետագայում պետությունը վճարելու է տասնապատիկ ավելի սահմանփակ կարողություններով մարդկանց ինտեգրելու հասարակություն:

Երկրորդ խնդիրն այն է, որ արդեն իսկ անձը հստակ սահմանափակ կարողություններով է, ապա գալիս է ռեաբիլիտացիա, այսինքն մարդու համար՝ պայմաններ են ձևավորվում աշխատանքով և այլ անհրաժեշտ պայմաններով ապահովելու համար:

Հաշմանդամություն ունեցող անձանց աշխատատեղերի հարցը առաջարկվում է լուծել համապատասխան հարկային արտոնություններով: Արդեն իսկ օրենքով գործատուները պետք է համապատասխան քվոտաներով աշխատանքի տեղավորեն մեր համաքաղաքացիներին և ստեղծեն հստակ աշխատանքային պայմաններ նրանց համար: Պետք է լինի կոմպռոմիս պետության, ձեռնարկատերերի և հաշմանդամություն ունեցող անձանց միջև:

Այս իրավիճակում մի կողմից պետության հոգսը կթեթևանա, մյուս կողմից մարդիկ իրենց լիարժեք ինտեգրված կզգան հասարակությունում, և երկրորդ ակնհայտ է, որ սահմանափակ կարողություններով մարդն անելու է անհնարինը՝ պահպանելու աշխատատեղը լավ աշխատելու միջոցով:

Մենք բոլորս հստակ պետք է մեկ բան արձանագրենք. մարդու կյանքի հիմնական իմաստը երջանիկ լինելն է, իսկ երջանիկ պետք է լինեն բոլորը՝ անկախ իրենց գույքային, կրթական և այլ ցենզերից:

Երբ որ մենք ժամանակակից աշխարհում ականատես ենք լինում տարբեր միգրացիոն երևույթների, զարմանում ենք, թե ինչո՞ւ են մարդիկ լքում իրենց օթևանները: Դա հիմնականում լինում է այն դեպքում, երբ սոցիալական խնդիրներին զուգահեռ առկա է մեկ այլ կարևոր և բարդ խնդիր՝ դա արդարության դեֆիցիտն է:

Մարդիկ հիմնականում ուզում են ապրել իրենց հայրենիքում. դա անժխտելի ցանկություն է, եթե նրանք լքում են ուրեմն ստիպված են:

Եկեք օգնենք մարդկանց վերադառնալ իրենց հայրենիք, որովհետև ցավոք սրտի ես նայել եմ նաև հաշմանդամ աձանց միգրացիայի ցուցանիշները, դրանք վերջին 10 տարում կտրուկ ավելացել են»,-իր ելույթում ասել է Միքայել Մելքումյանը:

spot_imgspot_img
spot_imgspot_img

Նմանատիպ

Նմանատիպ

Իրանական Իսֆահանում ուժեղ պայթյուն է տեղի ունեցել

Իրանական Իսֆահանում ուժեղ պայթյուն է տեղի ունեցել։ Ինչպես տեղեկացնում է...

Նոր լայնածավալ հարձակում Ուկրաինայում․միջազգային ամփոփ լրահոս

Տարածաշրջանային և միջազգային կարևոր զարգացումները Times.am-ի դիտակետից։ Ի՞նչ է...

Ադրբեջանն ամբողջությամբ անջատել է Արցախի գազամատակարարումը

Ադրբեջանն ամբողջությամբ անջատել է Հայաստանից Արցախ գազամատակարարումը: Դրանով պայմանավորված՝...