Դիակի նկարահանումը, հարազատների ողբը ցուցադրելը ոչ մի էթիկական և լրագրողական կանոնների մեջ չի տեղավորվում

Կրկին շարունակվում է որոշ լրատվամիջոցների ոչ կառուցողական և ոչ պարկեշտ աշխատանքը բանակային թեմաների լուսաբանման գործում: Վ.Սարգսյանի անվան ՌԻ-ի կուրսանտ Սիփան Մովսիսյանի սպանության դեպքի հետ կապված շարունակվում են ապատեղեկատվությունները, ոչ հիմնավորված կարծիքները, կասկածների սերմանումը և ոչ պարկեշտ ու ոչ բարոյական, կարծես թե նույնիսկ գաղտնի նկարահանումները:

Դիակի նկարահանումը, հարազատների ողբը ցանկացած կերպ ցուցադրելը ոչ մի էթիկական և լրագրողական կանոնների մեջ չի տեղավորվում: Կրկին կոչ ենք անում զերծ մնալ նման ոչ հիմնավորված կարծիքներից, ապատեղեկատվությունից և հակաքարոզչությունից:

Այս մաիսն իր ֆեյսբուքյան էջում գրել է ՀՀ ՊՆ խոսնակ Արծրուն Հովհաննիսյանը: