ԵՐԵՎԱՆ, 16 ՀՈՒՆԻՍԻ, Tert.am: Հնարավո՞ր եք համարում նոր հոդվածներ ի հայտ գան, և եթե նոր հոդվածները ի հայտ գան, ՀՀ գլխավոր դատախազը նորից գալու է ԱԺ նորից թույլտվություն տալու: Այս մասին այսօր Ազգային ժողովում, երբ գլխավոր դատախազը ներկայացնում էր Գագիկ Ծառուկյանին քրեական հետապնդման ներկայացնելու միջնորդությունը, նրան հարցրեց «Լուսավոր Հայաստան» խմբակցության պատգամվոր Գուրգեն Բաղդասարյանը:
Գլխավոր դատախազ Արթուր Դավթյանը նշեց, որ դեռևս քրեական գործի նախնական փուլում ենք գտնվում և այս պահին ապացուցողական որոշակի զանգված դեռ մեկ մարզում կա: «Բայց բոլորդ կհամաձայնեք, որ լեգիտիմ վարկած է առաջարդված քրեական գործով, ամբողջ հանրապետությունում այս հանգամանքը ստուգել, ընդ որում` բոլոր ընտրություններին վերաբերող հանգամանքները: Այսինքն, քննության հետագա ընթացքը ցույց կտա այլ հանցագործություն կպարզվի, չի պարզվի»,- ասաց նա:
Արթուր Դավթյանը նշեց, որ երբ նոր տվյալներ կունենան, կքննարկեն պառլամենտից համապատասխան թույլտվություն ստանալու հարցը:
