Yerevan
17
+32°C
Weather Data Source: 30 days weather Yerevan

Թեև Սյունիքի մարզի Դավիթ Բեկ գյուղը հրետակոծվում է, բայց բնակիչները մտադիր չեն լքել այն

Թեև Սյունիքի մարզի Դավիթ Բեկ գյուղը հրետակոծվում է, բայց բնակիչները մտադիր չեն լքել այն

ԵՐԵՎԱՆ, 1 ՆՈՅԵՄԲԵՐԻ, Tert.amԹշնամին հրետակոծել է Սյունիքի մարզի Դավիթ Բեկ գյուղը: Բնակավայրի վարչական ղեկավար Բենիկ Պողոսյանը «Զանգեզուր» ՀԸ եթերում հայտնել է, որ մոտ 10 տուն գնդակոծվել է, 1 անձ՝ զոհվել, կան վիրավորներ, նրանց վնասվածքները թեթև են:

Չնայած թշնամին գյուղն ինտենսիվորեն հրետակոծում է, գյուղացիները մտադիր չեն լքել գյուղը: «Մեր ժողովուրդը «դուխով» կանգնած է, պահում է իր սահմանը: Մենք հաստատ հետ չենք գնա, մեր սահմանները կպահենք, ի վերջո հաղթելու ենք:

Դավիթ Բեկի արծիվները հաստատ իրենց սահմանը չեն տա թուրքին»,-ասալ է Պողոսյանը:

Դավիթ Բեկ գյուղի բնակչուհի Լարիսա Հակոբյանը նշել է, որ թեև դժվար է, սակայն չեն պատրաստվում լքել բնակավայրը. «Ինչի՞ համար պետք է ես իմ հայրենիքը լքեմ, չեմ ուզում: Առույգ կկանգնենք, որ թշնամին մեզնից վախենա»:

Հետևեք մեզ նաև Telegram-ում