Գևորգ Ղազարյան. Եվրոպա լիգային մասնակցելու լավ հնարավորություններ ունենք

Հայաստանի ազգային հավաքականի կիսապաշտպան Գևորգ Ղազարյանը Դոնեցկի «Մետալուրգի» կազմում 2:0 հաշվով Զ. «Մետալուրգին» հաղթելուց հետո հարցազրույց է տվել ակումբի պաշտոնական կայքին:

-Այսօր ես շատ լավ չխաղացի: Վաղուց էր` ինչ չէի խաղացալ «Մետալուրգում» և բացի այդ երկու օր էր, ինչ վերադարձել է Հայաստանի հավաքականից: Մի փոքր հոգնել եմ: Ինքնազգացողությունս ամենալավը չէր:

-Ի՞նչ կասես թիմի խաղի մասին:

-Մեր թիմն այսօր նորմալ խաղաց: Չեմ կարող ասել, որ շատ լավ խաղացինք: Ամեն դեպքում ամենակարևորը հաղթելը և 3 միավոր վաստակելն է: Այս հաղթանակը մեզ օդի պես անհրաժեշտ էր: Կարծում եմ` «Կարպատների» հետ հաջորդ խաղում ավելի լավ կխաղանք և անպայման կհաղթենք: Իսկ այսօր, կրկնում եմ, ամենակարևորը հաղթելն է:

-Բարդ է ահաջողությունների շրջանը հաղթահարել ֆիզիկապե՞ս, թե՞ հոգեբանորեն:

-Կարծում եմ` հոգաբանորեն: Որովհետև մենք արդեն սխալվելու իրավունք չունենք: Բացի այդ խաղում էինք մի թիմի հետ, որ մրցաշարային աղյուսակում վերջին հորիզոնականն է զբաղեցնում: Եթե չհաղթեինք, ամեն ինչ ավելի կբարդանար: Բայց այժմ պայքարն առջևում է: Ոչինչ կորած չէ. հետևաբար ունենք լավ հնարավորություններ Եվրոպա լիգային մասնակցելու համար:

-Հաջորդ մրցակիցը «Կարպատներն» է:

-Գիտեմ` լվովցիները լավ թիմ ունեն: Թիմային ոգին նրանց մոտ շատ բարձր է: Բայց մենք նրանց չենք զիջում և համապատասխանաբար կպատրաստվենք այդ խաղին: