«Ինտերի» պաշտոնական կայքը տեղեկացնում է, որ Խավիեր Ձանետին հանդիպել է իր հայրենակից Հռոմի պապ Ֆրանցիսկին: Նրանք զրուցել են միլանյան ակումբի բարեգործական ծրագրերից, Իտալիայում արգենտինացիների կյանքից, իսկ վերջում Ձանետին Պապին նվիրել է իր մարզաշապիկը: Հանդիպումից հետո ֆուտբոլիստն ասել է.
-Այսօր կարողացա իրականություն դարձնել իմ ցանկությունը, և դա մեծ պատիվ է ինձ համար: Ես հանդիպեցի մեծ սրտով հասարակ մարդու, ով իր ամբողջ ուժն ուղղորդում է հավատով մարդկանց օգնելուն:
