«Ռեալի» հարձակվող Կրիշտիանու Ռոնալդուն չի կարող խաղադաշտ դուրս գալ ազգային առաջնության 33-րդ տուրի «Ատլետիկոյի» հետ մադրիդյան դերբիում, հաղորդում է իսպանական մամուլը:
Խնդիրը նրանում է, որ պորտուգալացին Չեմպիոնների լիգայի խաղարկության «Բորուսիայի» հետ մրցավեճի ժամանակ ձախ ոտքում ցավեր է զգացել: Նա անցկացրել է ամբողջ 90 րոպեն, բայց անհարմարություններ է զգացել: Այս պահին խաղացողը աշխատում է «Արքայական» ակումբի ֆիզիոթերապևտների հետ: Նրա մասնակցությունը դերբիին բացառվում է, որպեսզի պատրաստ լինի «Բորուսիայի» դեմ պատասխան հանդիպմանը:
Հիշեցնենք’ գերմանական թիմի հետ առաջին խաղում մադրիդցիները Դորտմունդում մրցակցին զիջեցին 1-4 հաշվով:
