Կաննավարո. Անչելոտին ոչ միայն լավ մարզիչ, այլև հիանալի մարդ է

Իտալիայի հավաքականի ու Մադրիդի «Ռեալի» նախկին պաշտպան Ֆաբիո Կաննավարոն գովեստի խոսքեր է շռայլել «ՊՍԺ»-ի գլխավոր մարզիչ Կառլո Անչելոտիի հասցեին, հաղորդում է իսպանական մամուլը:

Կաննավարոն ընդգծել է իտալացի մասնագետի ոչ միայն պրոֆեսիոնալիզմը, այլև մարդկային հատկանիշները:

-Նաև ոչ միայն ուժեղ մարզիչ է, այլ նաև հիանալի մարդ: Ֆուտբոլիստի համար նա կարծես եղբայր է, ու բոլորը սիրում են նրան: Կարծում եմ’ Կառլոն աշխարհի լավագույն մարզիչներից մեկն է: Դա է ցույց տալիս նրա աշխատանքը «Միլանում», «Չելսիում» ու «ՊՍԺ»-ում,- ասել է Կաննավարոն:

Հիշեցնենք’ ավելի վաղ տեղեկացվում էր, որ Անչելոտին հենց իտալացի նախկին պաշտպանին է ցանկանում տեսնել իր օգնականի դերում, եթե գլխավորի Մադրիդի «Ռեալը»: